Хаартыска: SakhaGov
Байыаннай дьайыы кыттыылаахтара «Саха сирэ – дьоруойдар дойдулара» бырагыраамаҕа кытталларыгар сайаапкалары ылыы кулун тутар 21 күнүгэр түмүктэнэр.
Ил Дархан Айсен Николаев иһитиннэрбитинэн, бырагыраамаҕа кыттарга өрөспүүбүлүкэ улуустарыттан уонна куораттарыттан, ону сэргэ Арассыыйа атын эрэгийиэннэриттэн барыта 483 сайаапка киирдэ.
«Бу бырагыраама наадалааҕын уонна кыттааччыларга саҥа кыахтары биэрэрин бигэргэтэр. «Саха сирэ – дьоруойдар дойдулара» – үөрэх эрэ буолбатах. Бу – байыаннай дьайыы кыттыылаахтара бэйэлэрин уопуттарын уонна билиилэрин туһаналларыгар, идэлэригэр сайдалларыгар уонна өрөспүүбүлүкэ, бүтүн Арассыыйа сайдыытыгар бэйэлэрин кылааттарын киллэрсэллэригэр бэриллэр кыах. Хайыы үйэ бэс ыйын саҥатыгар сүүмэрдээһини ааспыттар испииһэктэрэ оҥоһуллуоҕа. Бу үгүстэргэ олохторун атын түһүмэҕин саҕалааһынынан буолуоҕар, билиилэрин-көрүүлэрин уопсастыба тускутун туһугар ыыталларыгар эрэнэбин», – диэтэ Айсен Николаев.
Сүүмэрдээһиҥҥэ орто эбэтэр үрдүк үөрэхтээх, дьону салайарга уопуттаах байыаннай дьайыы кыттыылаахтара кытталлар. Сааһынан хааччахтааһын суох. Бырагыраамаҕа кыттарга якутияземлягероев.рф саайтка киирэн сайаапканы биэриллэр, анкыатаны толоруллар, наадалаах докумуоннары сыһыарыллар, эссе суруйуллар. Салгыы сүүмэрдиир тэрээһиннэргэ кыттыллар.
Бэс ыйын саҥатыгар күнүскү үөрэххэ ылыллыахтаах 25 бастакы истээччи талыллыахтаах. Өссө 25 киһи бырагыраама саппааһыгар ылыллыаҕа (билигин байыаннай дьайыыга сылдьааччылар), кинилэр дьиэлэригэр эргиллэн кэллэхтэринэ үөрэниэхтэрин сөп. Бастакы сүүмэрдээһини ааспатахтарга видео-куурустарга кыттар уонна аныгыскы бырагыраамаҕа сайаапканы биэрэр кыах бэриллиэҕэ.
Биир сыллаах үөрэх түмүгүнэн бырагырааманы ситиһиилээхтик түмүктээбиттэр идэҕэ хос үөрэнии туһунан дьупулуому ылыахтара уонна СӨ биир кэлим каадырын саппааһыгар киллэриллиэхтэрэ. Бу кинилэр судаарыстыбаннай уонна муниципальнай былаастар уорганнарыгар, судаарыстыбаннай тэрилтэлэргэ сүрүн дуоһунастарга ананалларыгар, ону таһынан эрэгийиэни сайыннарыыга дьоһуннаах бырайыактары олоххо киллэриигэ кыттар суоллары арыйыаҕа.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…