Салгыы
Кулун тутар 8 күнүн туһунан араас чахчылар

Кулун тутар 8 күнүн туһунан араас чахчылар

Ааптар:
08.03.2024, 18:12
Дьахтар күнүн төрүттээбит Клара Цеткин уонна Роза Люксембург (бикипиэдьийэттэн)
Дьахтар күнүн төрүттээбит Клара Цеткин уонна Роза Люксембург (бикипиэдьийэттэн)
Бөлөххө киир:

1. Аан дойду дьахталларын күнэ 1909 сыллаахтан сыл ахсын кулун тутар 8 күнүгэр бэлиэтэнэр. «Аан дойду» диэн аатыгар баар эрээри, бу күнү бэлиэтээһин 32 дойдуга эрэ үгэс буолбут.
2. Португалияҕа бу бырааһынньыгы дьахталлар бүөмнээн бэлиэтииллэр. «Девичник» кэриэтэ тэрээһиҥҥэ эр дьоннор кэлэллэрэ көҥүллэммэт. Түүҥҥү кулууптарга бу күн кэрэ аҥаардар босхо киирэр бырааптаахтар.
3. Мадагаскарга кулун тутар 8 күнэ өрөбүл күн. Ол дьахталларга эрэ! Эр дьон бу күн толору үлэлииллэр.
4. Билигин бу сааскы күн нарын, кэрэ аҥардарбытын чиэстиир күн курдук бэлиэтэнэр. Урут кулун тутар 8 күнэ «Аан дойдутааҕы дьахталлар бырааптарын туруудаһар күн» буоларын туһунан суруллар. Сэбиэскэй Сойуус 1965 сылтан бу күнү өрөбүллээх судаарыстыбыннай бырааһынньык оҥорбута. Билигин даҕаны бу күнү өрөбүлүнэн биллэрбит дойдулар бэрт аҕыйахтар.
5. Индияҕа кулун тутар 8 күнэ дьахтар бырааһынньыга буолбатах. Бу күн индиецтар Холи диэн кырааска бырааһынньыгын бэлиэтииллэр. Бу күн Индияҕа дьон уулуссаҕа дьэрэкээн өҥнөөх кыраасканан тамнааттаһаллар, үөрэллэр-көтөллөр.
6. Японияҕа дьахталлар бырааһынньыктара кулун тутар 3 күнүттэн бэлиэтэнэр. Бу күн Кыыс күнүн, Персик тыллыытын уонна Куукула күннэрин бэлиэтииллэр. Бу күнү бэлиэтээбиттэрэ номнуо тыһыынчаттан тахса сыл буолбут.
7. ХНТ сыл аайы Аан дойду дьахталларын күнүгэр сыллааҕы тиэмэни биллэрэр. Быйыл ХНТ биллэрбит тиэмэтэ «Дьахталларга инвестициялааҥ, сайдыыны түргээтэтиҥ!» диэн буолбут.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июня
  • 16°C
  • Ощущается: 15°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: