Кулун тутар. Ый билгэтэ. Дьөһөгөй Айыы туомнара

Кулун тутар — Дьөһөгөй түһэр кэмэ. Ый 21-с күнүгэр сырдык уонна хараҥа тэҥнэһэллэр, онтон сырдык баһыйан барар. Саха ыалын халандаарыгар бу туһунан маннык суруллар.

Ый билгэтэ:

Ый 6-с күнүгэр күнүс ылаарар, 12-кэ суол килэрийэр, 13-кэ хаар ирэн сарайтан таммалыыр. 14-с чыыһылаҕа хаардаатаҕына, сайына самыырдаах. Хотуттан тыалыран тымныйдаҕына,  сайына сөрүүн. 30-ка саҥа төрөөбүт ый сууннаҕына, үүнүү өлгөмө күүтүллэр. Бу күн сылаас буоллаҕына, 40 күн сылыйар, тымныы буоллаҕына, 40 күн тымныйар. Ириэрии буоллаҕына, халаан уута элбиир.

Дьөһөгөй Айыы туомнара:

Ый 2-3 күннэригэр Дьөһөгөйү  олордуу туома буолар. Дьөһөгөй киһини Айыы ситимигэр холбуур. Оҕо төлкөтө. Биир сааһыгар сылдьар оҕолоох ыал Дьөһөгөй аатыттан алгыс ылаллар. Туом ый 12-с күнүгэр оҥоһуллар. Төрүччү алгыһа. Төрүттэри, урууну-аймаҕы саныыр  туом ый 19-с күнүгэр  буолар. Кулун тутар 21 күнүгэр саха киһитэ айыллыбытын бэлиэтиир Саха айыллыыта алгыс ыытыллар.

Саха ыалын халандаарыттан, 2025 с.