Хаартыска: Татьяна Корнилова.
Тускул кулун тутар саҥатыгар халлаан туругун билиһиннэрэригэр Бүлүү эҥэр улуустарыгар ардах тыына биллэн эрэр диэн иһитиннэрдэ. Саха сиригэр кулун тутарга ардыыр түгэннэр урут да бэлиэтэнэллэрэ диэн суруйаллар.
Тускул иһитиннэрэринэн, 1998 сыллаахха Дьокуускай куоракка +2 кыраадыска тиийэ сылыйбыт эбит.
1945 сыл муус устарга Амма улууһун Лээги нэһилиэгин киинигэр ардаабытын туһунан бу курдук суруллар: “1945 сыл муус устар 7-8 күннэригэр Лээги нэһилиэгин киинигэр икки күнү быһа тохтуу-тохтуу итии самыыр дохсуннук түстэ. Итини кытта сэргэ муус устар 7 күнүгэр киэһээ 8-9 чаас саҕана хараҥа былыт тахсан баран чаҕылҕан чаҕылыйда уонна этиҥ эттэ.
Айылҕаҕа итинник түбэлтэлэр биһиги үйэбитигэр уонна ол анараа өттүгэр буолбута биллибэт этэ – диэн олохтоох кырдьаҕастар кэпсииллэр”, — диэн улуус хаһыатыгар суруллар.
Биэс сыллааҕыта, 2018 сыл кулун тутар 21 күнүгэр Өлүөхүмэ улууһун Кыыллаах нэһилиэгин Даппарай сэлиэнньэтигэр киэһэ 21-22 чааска ардаан турар, ол кэмҥэ +2 кыраадыс эбит. Ити туһунан олохтоохтор кэпсээбиттэрин биһиги саайтпытыгар суруйбуппут.
Аны бу аҕыйах хонуктааҕыта эмиэ ол нэһилиэккэ — Кыыллаахха чаҕылхан чаҕылыйда, этиҥ эттэ. Онон кулун тутарга ардаатаҕына даҕаны киһи улаханнык соһуйуом да сөп курдук.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…