Хаартыска: oprs.sakha.gov.ru
Дьокуускай куорат олохтоохторун уонна ыалдьыттарын кулун тутар 13-14 күннэригэр үтүө үгэскэ кубулуйбут XII Гражданскай пуорумҥа кыттарга ыҥыраллар. Тэрээһин Арассыыйаҕа Дьиэ кэргэн уонна Саха сиригэр Оҕо сылыгар ананар.
Гражданскай пуорум — уопсастыба саамай суолталаах кыһалҕаларын дьүүллэһиигэ уонна сөптөөх быһаарыылары көрдүүргэ, ылынарга платформа. Пуорумҥа гражданскай уопсастыба, кэммиэрчэскэйэ суох тэрилтэлэр бэрэстэбиитэллэрэ, көхтөөх дьон, олохтоох салайыныы уорганнара, урбаан уопсастыбата уонна Саха сирин ситэриилээх былааһа кыттыахтара.
Пуорум бырагырааматынан биэс дьүүллэһии былаһаакката, социальнай бырайыактары оҥорууга үөрэтии тэрээһинэ уонна түмүк пленарнай мунньах ыытыллыахтара. Ону тэҥэ пуорум чэрчитинэн СӨ Үлэҕэ уонна социальнай сайдыыга министиэристибэтэ уонна Дьокуускай куорат Үөрэх управлениетын тэрийбит «Кэскилбит бүгүн саҕаланар» дьиэ кэргэн бэстибээлэ буолуоҕа.
Санаттахха, былырыын кулун тутар ыйга уопсастыбаннай санаа лидердэрэ, көхтөөх дьон, уопсастыбанньыктар, федеральнай экспертэр икки күн устата нэһилиэнньэ дьарыктаах буолуутун, Аартыка уонна тыа сиригэр үлэ усулуобуйатын тэрийиитин, олохтоох табаары оҥорооччулары уонна кэммиэрчэскэйэ суох тэрилтэлэри өйөөһүн боппуруостарын дьүүллэспиттэрэ. Үүнэр көлүөнэни патриотическай иитиигэ сүрүн тимэни кытта сибээстээх кэккэ боппуруостаргаа болҕомто ууруллубута. Тэрээһиҥҥэ барыта тыһыынчаттан тахса киһи мустан кыттыбыта.
Үөрэҕи уонна билими кэтээн көрөр федеральнай сулууспа салайааччыта Анзор Музаев икки хайысханан “Үөрэх тэрилтэлэригэр хаачыстыба…
Өбүгэлэрбит уол оҕону иитиигэ ураты болҕомтону уураллара, элбэх саҥата суох бэйэлэрин кытта үлэҕэ-хамнаска илдьэ сылдьан…
Саха технологическай кэллиэһин (ЮЯТК) хамаандата Орто профессиональнай үөрэх тэрилтэлэрин ыччат медиакииннэрин III Бүтүн Арассыыйатааҕы куонкуруһун…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
РФ Силиэстийэлиир кэмитиэтин бэрэссэдээтэлэ Александр Бастрыкин Дьокуускайга 14 саастаах кыыс оҕону ыт ытырбытынан холуобунай дьыаланы…
Сэтинньи 16 күнүгэр, өрөбүлгэ, полиция үлэһиттэрэ интэриниэт ситимин кэтээн көрүү кэмигэр Дьокуускай куоракка Дзержинскэй уулуссаҕа…