Хаартыска: oprs.sakha.gov.ru
Дьокуускай куорат олохтоохторун уонна ыалдьыттарын кулун тутар 13-14 күннэригэр үтүө үгэскэ кубулуйбут XII Гражданскай пуорумҥа кыттарга ыҥыраллар. Тэрээһин Арассыыйаҕа Дьиэ кэргэн уонна Саха сиригэр Оҕо сылыгар ананар.
Гражданскай пуорум — уопсастыба саамай суолталаах кыһалҕаларын дьүүллэһиигэ уонна сөптөөх быһаарыылары көрдүүргэ, ылынарга платформа. Пуорумҥа гражданскай уопсастыба, кэммиэрчэскэйэ суох тэрилтэлэр бэрэстэбиитэллэрэ, көхтөөх дьон, олохтоох салайыныы уорганнара, урбаан уопсастыбата уонна Саха сирин ситэриилээх былааһа кыттыахтара.
Пуорум бырагырааматынан биэс дьүүллэһии былаһаакката, социальнай бырайыактары оҥорууга үөрэтии тэрээһинэ уонна түмүк пленарнай мунньах ыытыллыахтара. Ону тэҥэ пуорум чэрчитинэн СӨ Үлэҕэ уонна социальнай сайдыыга министиэристибэтэ уонна Дьокуускай куорат Үөрэх управлениетын тэрийбит «Кэскилбит бүгүн саҕаланар» дьиэ кэргэн бэстибээлэ буолуоҕа.
Санаттахха, былырыын кулун тутар ыйга уопсастыбаннай санаа лидердэрэ, көхтөөх дьон, уопсастыбанньыктар, федеральнай экспертэр икки күн устата нэһилиэнньэ дьарыктаах буолуутун, Аартыка уонна тыа сиригэр үлэ усулуобуйатын тэрийиитин, олохтоох табаары оҥорооччулары уонна кэммиэрчэскэйэ суох тэрилтэлэри өйөөһүн боппуруостарын дьүүллэспиттэрэ. Үүнэр көлүөнэни патриотическай иитиигэ сүрүн тимэни кытта сибээстээх кэккэ боппуруостаргаа болҕомто ууруллубута. Тэрээһиҥҥэ барыта тыһыынчаттан тахса киһи мустан кыттыбыта.
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…