Хаартыска: ааптар түһэриитэ.
Орто Халымаҕа Бырабыыталыстыба отчуотун кэмигэр СӨ Тутууга миниистирэ Виктор Романов Аартыка 13 улуустарын олохтоохторугар өйөбүл саҥа миэрэтэ олохтоммутун туһунан кэпсээтэ.
Дьиэ туттар хоту улуустар олохтоохторугар тутуу матырыйаалын тиэрдиигэ саҥа мэхэньииһим олоххо киирэр. Саҥа өйөбүл Ил Дархан Айсен Николаев сорудаҕынан оҥоһуллубут.
Өйөбүл сүрүн сыалынан Дьокуускай куораттан тутуу матырыйаалларын атыылаһан баран, дьиэ туттааччылар улуус киинигэр диэри босхо тиэрдэргэ Аартыкатааҕы эргиэн-логистика хампаанньатын баазатыгар туттараллар.
Виктор Романов этэринэн, кулун тутар бастакы аҥаарыттан сайаапкалары хомуйуу саҕаланар, онтон тутуу матырыйаалларын тиэрдии муус устартан оҥоһуллуо.
«Маннык көмө Арктикаҕа кэтэх дьиэлэри тутуу сыанатын намтатыаҕа. Холобур, Саха Сирин кииниттэн Арктика улуустарыгар 60 куб. матырыйаалы тиэрдии 900 тыһыынча солкуобайга тэҥнэһэр. Ол иһин дьон дьиэ тутталларын ыарырҕаталлар», — диэтэ миниистир.
Олохтоохтору аһынан-үөлүнэн уонна табаарынан хааччыйарга эргиэн-логистика кииннэрэ тутуллаллар. 2025 сылга Баатаҕай Алыытыгар, Өлөөҥҥө уонна Чокурдаахха үс саҥа киин аһыллара былааннанар. Оччотугар, өрөспүүбүлүкэ Аартыкатын 13 улуустара бары таһаҕас тиэйиини хааччыйар кииннэниэхтэрэ.
Орто Халыма улууһугар Бырабыыталыстыба отчуота олунньу 22 күнүгэр диэри буолуоҕа. Отчуоту 10 нэһилиэк сылдьан кэпсиэхтэрэ, олохтоохтору кытта көрсүөхтэрэ уонна социальнай эбийиэктэри көрүөхтэрэ.
Санатан эттэххэ, СӨ ситэриилээх былааһын уорганнарын отчуота олунньу 3 күнүгэр саҕаламмыта уонна кулун тутарга диэри ыытыллар.
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…