Хаартыска: ааптар тиксэриитэ
Кэтэһиилээх Саҥа Дьыл дьоҥҥо биир кэрэ бэлэҕэ — хаар, муус оҥоһуктар. Өскөтүн өссө оҕолорго ананар буоллаҕына, үөрүүтүн үлүскэнэ сүүс төгүл үрдүк!
«Кулунчук-уу-чукучук…» диэн ырыаҕа ылланарыныы, субу сип-сибилигин ойуоккалаан барыахтыы чөрөйөн турар кулунчугу көрүҥ эрэ! Бу — Уус Алданнааҕы Социальнай кэлим киин стационарнай отделениетын иитиллээччилэригэр попечитель Геннадий Оллонов үчүгэйкээн бэлэҕэ. Маннык кэрэттэн ама хайа оҕо үөрбэт буолуоҕай, ама хайа оҕо сүрэҕэ ууллубат буолуоҕай?!
Геннадий Николаевич бу тэрилтэ иитиллээччилэрин үөрдүбүтэ, дьоллообута 10-ча сыл буолла. Аан бастакы сылыгар Саҥа Дьыллааҕы бырааһынньыкка тыаттан тыыннаах харыйаны киллэрбитэ, нөҥүө сылыгар улахан харыйаны атыылаһан бэлэхтээбитэ. Кэнники сылларга уратылаах бэлэҕи-хаар оҥоһук оҥорон үөрдэр. Оҕолор барахсаттар ол аайы соһуччу бэлэхтэн олус үөрэллэр, дьоллоноллор. Чахчы даҕаны, киһи диэн бу сирдээҕи олоххо кэлбит аналынан оҕо туһугар олорор буоллаҕа. Ол да иһин, амарах санаалаах, дьоҕурдаах киһи оҕолору үөрдээри тымныыттан да чаҕыйбакка, икки күн устата күнү-түүнү аахсыбакка, үтүөнү оҥордоҕо.
Геннадий Николаевичка сыл аайы тымныылыын туруулаһан, тоҥ хаартан кэрэни чочуйан, оҕолору дьоллуур түгэннэри бэлэхтиир оҥоһуктарын иһин махтал мааныта буолуохтун, сэдэх дьоҕура сайда туруохтун, тус олоҕор этэҥҥэ буолуу эҥэрдэһиэхтин, дьол-соргу тосхойуохтун!
Светлана БУРЦЕВА, уопсастыбаннай кэрэспэдьиэн
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…