Ульяна Захарова хаартыскаҕа түһэриитэ.
Бу күннэргэ Үөһээ Бүлүү улууһун Кэнтик нэһилиэгэр бэйдиэ сылдьар ыттар саҥа төрөөбүт кулуну туппуттарын туһунан видео тарҕаммыта.
Быһылаан тахсаатын кытта Кэнтик нэһилиэгэр Бэтэринээрийэ департаменын старшай иниспиэктэрэ Иннокентий Ильин балаһыанньаны билсэ тахсыбыта. Билиҥҥи туругунан кулуннаах биэни туппут бэйдиэ сылдьар ыттар хаһаайыннара кимнээх буолалларын быһаарыынан нэһилиэк дьаһалтата уонна полиция дьарыктанар. Ити быһаарылыннаҕына, ыттаах хаһаайыттар эппиэтинэскэ тардыллыахтара.
СӨ Бэтэринээрийэҕэ департаменын территориальнай подразделениетын старшай иниспиэктэрэ Иннокентий Ильин санаатын маннык үллэһиннэ:
— Кэнтик нэһилиэгэр төрөөрү сытар биэ кулунун бэйдиэ сылдьар ыттар туттулар. Биэ төрүүрүгэр мэһэйдэһэннэр, тахсан эрэр оҕотун тыыннаахтыы сиэннэр биэ өрүттүбэккэ өлөөхтөөбүт диэн сабаҕалыыбын. Ыттар биэни тыыппатахтар. Кулун эрэйдээҕи ситэ төрөппөккө да хадьырыйбыттар. Бу быһылаан нэһилиэк кытыы уулуссатыгар баар олбуоругар буолбута. Уопсайынан маннык балаһыанньа хатыламматын туһуттан хас биирдии хаһаайын ытын баайыахтаах.
Бэйдиэ сылдьар ыттар дьоҥҥо-сэргэҕэ саба түһэллэрин ааһан аны дьиэ кыылларыгар түһэн хоромньуну таһаараллар. Үөр бөрө курдук саба түһэр кыыллыйбыт ыттар оҕолорго да саба түһүөхтэрин сөп.
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…