Хаартыска: ааптар тиксэриитэ
Уус Алдан улууһугар Бүөтүр Оҕотоойоп аатынан Кэптэни сынньалаҥ киинигэр сэтинньи 7 күнүгэр улуустааҕы бэтэрээннэр ансаамбылларын көрүү күрэҕэ үрдүк таһымҥа ааста. Уон иккис төгүлүн улууска ыытыллар күрэххэ аҕыс нэһилиэктэн тоҕус ансаамбыл кытынна.
Бастакы түһүмэххэ Улуу Кыайыы 80 сылынан патриотическай ырыа, иккис түһүмэххэ талбыт тиэмэҕэр ырыа ылланна. Аҕыс уон биэс ырыа куттаах, сыанаҕа ыллаан-туойан кэлбит бэтэрээннэр эдэрдии эрчиминэн, кэрэтик симэнэн ыллааһыннара киһини эрэ үөрдэр. Тэрийээччилэр Владимир Прядезников дириэктэрдээх, СӨ култууратын туйгуна Варвара Фёдорова уус-уран салайааччылаах кулууп үлэһиттэрэ үөрэ-көтө көрсөн, эбиитин итии аһылык тэрийэн, бурдук ас атыытын тэрийиигэ болҕомтолоохтук сыһыаннаспыттарыттан ырыаһыт бэтэрээннэр сүргэлэрэ көтөҕүллүбүтүн бэлиэтиир тоҕоостоох. Августина Бурнашева, Ольга Перевалова ким туохха наадыйарын быһааран, көмөлөһөн биэрэллэр. Методист, СӨ култууратын туйгуна Вера Сыроватская анкетаны толорон, сурук үлэтин тэһииннээтэ. Виталий Гоголев муусуканан, уотунан киэргэтиини сүрүннээтэ. Дьүүллүүр сүбэ да дьоһун. Улуус кииниттэн СӨ култууратын туйгуна, ”Гражданскай килбиэн” бэлиэлээх Валентина Варламова, Уһун Күөлтэн СӨ култууратын туйгуна, дириэктэр Иннокентий Борисов, Лөгөй лиссиэй-интэринээт ырыаҕа учуутала Ангела Харитонова үлэлээтилэр.
Күрэх бэрт тэтимнээхтик ыытылынна. Бииртэн биир толору бэлэмнээх ансаамбыллар, нэһилиэнньэ сынньалаҥын тэрийэр кулууп үлэһиттэрин үлэлэриттэн таҕыстаҕа. Ол аата кулууп уота угуйар.
Киһи үөрэрэ диэн, сэрии, тыыл бэтэрээннэрин дьиэ кэргэттэрэ ааттарын ааттатан, спонсордаан уу харчынан бириэмийэлэри олохтообуттар. Бу үтүө холобур. Гран-при аатын Альбина Бурнашева салайар «Айылгы» вокальнай ансаамбыл ылан, сэрии бэтэрэннэрэ Прокопий Самсонов, убайдыы-бырааттыы Сэмэн, Мэхээлэ Бурнашевтар оҕолоро олохтообут отут тыһыынча солкуобайынан наҕараадаланна.
Бастакы истиэпэннээх лауреаттар, Тандаттан Екатерина Готовцева салайааччылаах «Уостубат кыымнар» ансаамбыл Константин Борисов дьиэ кэргэниттэн, Прокопий Самсоновтан тоҕус тыһыынчаны тутта.
Иккис истиэпэннээх дипломунан наҕараадаламмыт Дүпсүнтэн Николай Бурцев салайар «Иэйии” ансаамбыл Пётр Бурнашев оҕолоруттан үс тыһыынча солкуобай харчынан наҕараадаланна.
Үһүс истиэпэннээх лауреатынан буолбут Суоттуттан Филипп Габышев салайааччылаах «Көмүөл» ансаамбыл сэрии бэтэрээннэрин оҕолоро Гаврил Петухов биэс тыһыынча, Егор Олесов үс тыһыынча харчытын туттулар.
Ону сэргэ Арыылаахтан Евдокия Карамзина салайар «Ырыам уонна сибэкким», Бороҕонтон Мария Иванова салайааччылаах «Күндүүнэ”, Кэптэниттэн Варвара Фёдорова салайар «Аал уот», Дүпсүнтэн Николай Бурцев салайааччылаах «Иэйии», Тумултан Альберт Васильев салайааччылаах «Алгыс» уонна Баатаҕайтан Марфа Готовцева салайааччылаах «Далбар» ансаамбыллар спонсордартан харчынан бэлэхтэри туттулар.
Түмүккэ Иннокентий Готовцев, Николай Бурцев, Альберт Васильев, Владислав Кривошапкин байааҥҥа доҕуһуолларынан Аркадий Алексеев дьүрүлүгэр “Доҕордоһуу ырыатын” бүттүүн күргүөмүнэн толорон, эһиил өссө ырыа кырдалыгар Кэптэнигэ көрсүөххэ диэри диэн тарҕастылар.
Ульяна-Уйана БУРНАШЕВА, Уус Алдантан кэрэспэдьиэн
Бу киэһэ Ньурбаҕа ардах курулаччы түһэ турарын туһунан видео социальнай ситимнэринэн тарҕана турар. "Ньурбаҕа ардах…
Булуҥ оройуонун суута 37 саастаах Эдьигээн оройуонун олохтооҕор бириигибэрин таһаарда. Эр киһи соруйан доруобуйаҕа ыарахан…
Улан-Удэ куоракка ыытыллыбыт норуоттар икки ардыларынааҕы уонна Бүтүн Арассыыйатааҕы гиирэ успуордун турнирыгар Нам улууһун "Олимпик"…
Дьаҥ-дьаһах сатыылыыр. Хайа эрэ оскуолаҕа харантыын тохтоон, оҕолор үөрэнэ тахсалар. Оттон Хаҥалас улууһун П.С.Скрябин аатынан …
Бу күннэргэ Хаҥалас улууһун 2-с Малдьаҕар бочуоттаах олохтооҕо, байыаннай дьайыы кыттыылааҕа, «Саха Боотур» диэн уол…
Ааспыт нэдиэлэҕэ Саха сиригэр Татарстан Өрөспүүбүлүкэтиттэн дэлэгээссийэ оробучай сырыытынан кэлэн барда. Сырыы сүрүн сыала Саха…