Хаартыска Мария Васильева /СИА
Ил Дархан Айсен Николаев экэниэмикэ салаатыгар, социальнай эйгэҕэ уонна судаарыстыбаннай салайыы үлэтигэр цифровой иһитиннэриини туһаныыга бырайыактыыр офис мунньаҕын ыытта.
Аҕа баһылык бэлиэтииринэн, ааспыт сыл түмүгүнэн цифровой иһитиннэрии чэрчитинэн, эрэгийиэннэр салайааччыларын федеральнай оперативнай рейтиннэригэр Саха сирэ 10-с миэстэҕэ сылдьар.
— Өскөтүн, бу иннинэ 13 көрдөрүүнэн сыаналаабыт эбит буоллахтарына, саҥа ирдэбилинэн 19 чахчылааһын киирдэ: «госуслуга», «госпаблик», информационнай куттал суох буолуутун хааччыйыы, федеральнай информационнай тиһиктэргэ ахтыллыы курдук ирдэбил киирдэ. Онон саҥа соруктар турдулар, — диэн бэлиэтээтэ Ил Дархан.
Социальнай сайдыы миниистирэ Елена Волкова кумааҕы докумуону оҥоруу 70 % аччаабытын, 82 судаарыстыбаннай өҥө электроннай тиһигинэн оҥоһулларын иһитиннэрдэ.
Сыыппара, инновация уонна инфокоммуникационнай технологиялар сайдыыларын миниистирэ, бырайыактыыр офис салайааччытын солбуйааччы Анатолий Семенов бэлиэтээбитинэн, экэниэмикэ уонна социальнай эйгэ бары салаалара суһал ыстаап эрэсииминэн үлэлииллэр. Онон судаарыстыбаннай былаас уонна биисинэс тэрилтэлэрин үлэлэрэ түмүктээх.
Маны тэҥэ, мунньах кыттыылаахтара “Саха сирин олохтооҕун каартата” эрэгийиэннээҕи бырайыагы сиһилии дьүүллэстилэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…