Куобаҕы кэтээн көрөн күнү-дьылы билгэлээҥ

Күнү-дьылы билгэлээһин араас ньымалара бааллар. Олортон биир чопчуларынан куобаҕы кэтээн көрөн билгэлээһин буолар. Киин оройуоннарга кыралаан куобах үөскээн эрэр быһыылаах. Булчуттар, тыаҕа элбэхтик сылдьар дьон маны болҕойон көрөөрүҥ.

— Куобах кыһыҥҥы күн сытар сириттэн сыҕарыйан, мэлдьитин үрдүк сири талан сытар буоллаҕына – куһаҕан күн-дьыл буоларын биттэнэр,

— куобах саас хойутаан түүлээтэҕинэ, тымныы саас буолар,

— куобах сарсыарда хойутаан туран мэччийэр буоллаҕына, соторунан уһун ардах, силбик кэлэр,

— куобах эмис күһүнүгэр кыһына уһун уонна кытаанах буолар.

(“Сахалыы күнү-дьылы билгэлээһиннэр” кинигэттэн).