Куобах ахсаана аҕыйах, хомойуох иһин, уруккутун курдук кыайан элбээбэтэ
Мин быйыл үлэбинэн Дьааҥыга атырдьах ыйыгар тиийэн баран, куоракка бу аҕыйах хонуктааҕыта кэллим. Дьааҥы улууһун Адыаччытыгар быйыл атын сыллартан уратылаах күһүн буолла диэн бэлиэтиибин.
Балаҕан ыйын бүтүүтэ, хаар түспүтүн кэннэ, муус туран эрдэҕинэ суукканы быһа ардах түһэн, Адыаччы өрүс, киниэхэ түһэр Туостаах үрэҕэр уу кэлэн ыксата сырытта.
Бу айылҕаҕа, сиргэ-уокка сылдьан кэтээн көрбүппэр олоҕуран кэпсиэхпин баҕарабын. Ол курдук, куобах ахсаана аҕыйах, хомойуох иһин, уруккутун курдук кыайан элбээбэтэ. Дьон этэринэн, куобах кыайан элбээбэтин сүрүн төрүөтүнэн саһыл элбээбитэ буолар. Саһыл дэриэбинэ таһыгар күрдьүккэ кытта кэлэр буолла. Тириитэ сыаналаммат буолан, дьон бултаһа да сатаабат. Тыатааҕы саас эмискэ элбээн баран, күһүҥҥү өттүгэр аҕыйаата. Сир аһа аҕыйах буолан, атын сиргэ сыҕарыйда быһыылаах дии санаатым.
Тайах ахсаана син уруккутун курдук. Мас көтөрө син баар. Хабдьы айанныыр, сорох сиргэ эмискэ элбээн кэлэр. Кус быйыл урукку дьыллардааҕар аҕыйах. Күһүн хаас күүскэ айаннаата. Дьон этэринэн, кэтээн да көрөрүнэн, хаас сылтан сыл элбээн иһэр, айанныыр кэмэ да уһаата.
Сергей Слепцов,
Ирбэт тоҥ биологическай проблемаларын чинчийэр институт инженер-чинчийээччитэ.
Хаартысканы: С. Слепцов ыытта.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…