Хаартыска: Полина Жергина тиксэриитэ.
Биһиги Куокуйбут нэһилиэгэр Анастасия Михайловна, Аркадий Семенович Игнатьевтар дьиэ кэргэн олороллор. Түөрт оҕо амарах ийэтэ, аҕата, тоҕус сиэн эһээтэ, эбээтэ буолаллар.
Анастасия Михайловна уонна Аркадий Семенович Луҥха үрэх үрдүгэр Сардаана сибэкки кырдаллаах Куокуй нэһилиэгэр төрөөн-уһаан, ыал буолан, оҕо-уруу тэниппит төрүт олохтоох дьон буолаллар. Кинилэр атыы- эргиэн тэринэн, 30-тан тахса сыл нэһилиэги 100 бырыһыан аһынан-табаарынан хааччыйа олороллор. Итини таһынан нэһилиэк, улуус иһинэн ыытыллар уус-уран самодеятельность, күрэстэргэ, араас өрүттээх тэрээһиннэргэ кытталлар, спонсорство да өттүнэн бастакынан бачыым көтөҕөллөр. Аркадий Семенович өр кэмҥэ нэһилиэк дьокутаатынан талыллан, элбэх тыын боппуруостары быһаарсан, суолу-ииһи, нэһилиэк тупсаҕай көстүүтүн сайыннарыыга үлэлэһэн кэлтэ.
Анастасия Михайловна Комсомольскай сэбиэт, дьахтар сэбиэттэрин бэрэссэдээтэлинэн, ыччаты иитиигэ, Арассыыйа, өрөспүүбүлүкэ «Молоды душой» уопсастыбаннай тэрилтэ волонтера. Кэбээйи нэһилиэгэр «Үтүө түгэн» уонна Куокуй нэһилиэгэр «Луҥха долгуннара» түмсүүлэр эрэ бааллар. Анастасия Михайловна «Луҥха долгуннара» түмсүүгэ саҕаланыаҕыттан сылдьар. Элбэх тэрээһиннэргэ, күрэхтэһиилэргэ, куонкурустарга, нэһилиэккэ, улууска ыытыллар бары тэрээһин көхтөөх кыттыылааҕа. Ону таһынан «Луҥха долгуннара» үҥкүү бөлөҕөр сылдьар, араас таһымнаах күрэхтэр, куонкурустар дипломаннара, лауреаттара.
Онон бу дьиэ кэргэн биһиги нэһилиэк бастыҥтан бастыҥ, киэн туттар ыалбыт.
Дьиэ кэргэн үйэлээх таптала, бэриниилээх буолуу — ытык анал, дьоллоох олох төрдө.
Полина Жергина, Куокуй нэһилиэгэ, Кэбээйи.
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…