Куокуй уһуйаанын хаар оҥоһуктара

Кэбээйи улууһун Куокуй нэһилиэгин уһуйаанын тиэргэнин бэртээхэй хаар оҥоһуктар киэргэтэллэр.

Бу маны барытын  үтүө волонтер Геннадий Иванов 2016 сылтан оҕолору үөрдээри оҥорор. Быйыл үүнэр сыл бэлиэтин Моҕойу хаарынан оҥорууга “Угуйаан” култуура дьиэтэ куонкурус биллэрбит. Геннадий түөлбэтин аатыттан ылсан, бастакынан кинилэр Моҕой уонна Үтүө волонтер оҥоһуктара кулуупка кэлэр дьону эҕэрдэлии көрсөллөр.

“Кэлэн иһэр Саргылаах Саҥа дьылынан барыгытын эҕэрдэлиибин, бука бары доруобай, дьоллоох буолуҥ!” – диэн Геннадий Иванов истиҥ эҕэрдэтин ааҕааччыларга ыытар.