Куокуй волонтердара үс дьааһыгы ыыттылар

Кэбээйи улууһун Куокуй нэһилиэгин “Надежда” түмсүү волонтер-иистэнньэҥнэрэ хаһыс да сылын байыаннай дьайыыга сылдьар уолаттарыгар таҥас тигэн ыыталлар, араас аахсыйалары нэһилиэк иһигэр көҕүлээн ыыталлар.






Быйыл улууска 2025 сыл Ийэ дойдуга бэриниилээх буолуу сылынан биллэрилиннэ. Ол чэрчитинэн иистэнньэҥнэр таҥас тигиитин саҕалаатылар. Дьокуускайтан И.Е. Саввина салайааччылаах “Илии сылааһа” өрөспүүбүлүкэтээҕи иистэнэр сыах ыыппыт матырыйаалларын Айсен Михайлов уонна баһылыкпыт Лев Павлов аҕалан биэрбиттэрэ. Онон аҕыйах хонук иһигэр 22 дождевик-ыстааны, 24 футболканы, 13 ис таҥас кэмпилиэгин тиктибит, ону таһынан биир дьааһык кытыан от бэлэмнэннэ. Аахсыйаҕа оскуола үөрэнээччилэрэ (салайааччы С.И. Васильева) кыттан, илиинэн оҥоһуктары, уруһуйдары аҕалан биэрбиттэрэ. Барыта үс дьааһык хомуллубутун, Егор Азаров Дьокуускайга анал пууҥҥа аҕалан туттарда.
«Илии сылааһа» иистэнэр сыах салайааччыта Ирина Егоровна Саввина видео нөҥүө «Надежда» иистэнэр түмсүүгэ уонна Куокуй орто оскуолатын үөрэнээччилэригэр улахан махталын биллэрдэ. Күүс-көмө буолбут дьоммутугар Л.Н. Павловка, А.С. Михайловка, Е.Н. Азаровка, оскуола үөрэнээччилэригэр барҕа махталбытын тиэрдэбит.
Ираида Софронеева
Сообщить об опечатке
Текст, который будет отправлен нашим редакторам: