Хаартыска: Полина Жергина тиксэриитэ.
Куокуй нэһилиэгин дьоно-сэргэтэ олорор сирдэрин сайыннарыыга бастакы күөҥҥэ турар бырайыагы быһаардылар.
Олохтоох көҕүлээһиннэри өйүүр бырагыраама (ППМИ) олохтоохторго саамай наадалаах бырайыактары талан, нэһилиэктэрин сайдыытыгар быһаччы дьайар кыаҕы биэрэр. Бу тирээн турар кыһалҕалары быһаарарга уонна «билигин манна баар» олохторун хаачыстыбатын тупсарарга көдьүүстээх ньыманан буолар.
«Бырагырааманы олохтоохтор сөбүлээтилэр уонна наадыйар буоллулар. Олорор сирбит сүрүн боппуруостарын быһаарарга уонна олохтоохтору нэһилиэк сайдыытын хаамыытыгар көхтөөхтүк кытыннарарга көдьүүстээх мэхэньиисим быһыытынан бэйэтин көрдөрдө», — диэн бэлиэтиир “Куокуй нэһилиэгэ” СП баһылыга Лев Николаевич Павлов.
ППМИ көмөтүнэн Куокуй нэһилиэгин дьоно күннээҕи олохторун биллэ тупсарбыт дьоҕус да буоллар суолталаах элбэх бырайыагы олоххо киллэрдилэр. Дьон бырагыраама дьиҥнээх түмүгүн көрөллөр.
ППМИ сүрүн сыала-соруга — олохтоохторго, ол иһигэр көҕүлүүр бөлөхтөргө, өйөбүлү ылыахтаах бырайыагы талан ылалларыгар кыаҕы биэрэр.
Куокуй нэһилиэгэр 2026 сылга Олохтоох көҕүлээһиннэри өйүүр бырагырааманан түмүктүүр куоластааһын ыытылынна. Эрдэтээҥи дьүүллэһиилэр уонна ыйытыылар түмүктэринэн, быһаарыыны уонна үбүнэн-харчынан өйөбүлү ирдиир сүрүн кыһалҕалар быһаарылыннылар. Түмүк мунньахха 2026 сыллааҕы Олохтоох көҕүлээһиннэри өйүүр бырагыраамаҕа кыттар туһунан быһаарыы биир санаанан ылылынна. Бырайыагы салгыы хамсатан иһэргэ эппиэттиир көҕүлүүр бөлөх тэриллэн, инники күөҥҥэ турар сорук быһаарылынна: Арҕас сэл. сайыҥҥы уу ситимин саҥардыы, эргэ турбалары аныгы пластик турбаларынан солбуйуу.
Бу бырайыак олоххо киириитэ Куокуй нэһилиэгин инфраструктуратын саҥардыыга улахан суолталаах хардыынан буолуоҕа. Кини баар мэһэйдэри туоратар эрэ буолбатах, нэһилиэк салгыы социальнай-экономическай үүнүүтүгэр тирэх буолуоҕа, олохтоохтор олохторун таһымын тупсарыыга көмөлөһүөҕэ.
Надежда Илларионова, «Угуйаан» култуура киинин дириэктэрэ.
Саха сиригэр байыаннай дьайыы кыттыылаахтарын үлэҕэ киириилэрин кубуотатын элбэтиэхтэрэ. Бу туһунан СӨ Нэһилиэнньэтин дьарыктаах буолуутун…
Аллайыаха улууһун Чокуурдаах бөһүөлэгэр быйыл саҥа канализационнай-ыраастыыр ыстаансыйаны үлэҕэ киллэрэр былааннаахтар. Сууккаҕа 400 кубометр кыамталаах…
Олунньу 13 күнүгэр Саха сиригэр Төрөөбүт тыл уонна сурук-бичик күнүн бэлиэтиибит. Бу күн сахалартан бастакы…
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…
Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр. Бырабыыталыстыба бэрэссэдээтэлэ Кирилл Бычков…