ВИДЕО: Куокуйдар уолаттарга анаан таҥас тигэн ыыттылар

Байыаннай дьайыыга сылдьар уолаттарга наадалаах таҥаһы тигии салҕанар. 

Алтынньыга Кэбээйи улууһун Куокуй нэһилиэгин «Надежда» түмсүү иистэнньэҥнэрэ 13 паара ис таҥаһы, 9 тактическай таҥаһы, 6 футболканы, 4 х/б көстүүмү, 2 флис куурканы тигэн, Дьокуускайга ыыттылар.

Куокуй нэһилиэгин баһылыга бүгүн икки дьааһык баһыылканы Дьокуускайга баар «Илии сылааһа» добровольческай хамсааһын салайааччытыгар Саввина Ирина Егоровнаҕа туттарда. Матырыйаал баар буолла да, иистэнньэҥнэр  салгыы итинник таҥастары тигэ олороллор. Таҥас кырадаһыннарынан бэргэһэлэри, снуду, кээнчэни тикпит киһи диэн былаанныыллар.

Ираида Софронеева, Куокуй.