Куокуйга “Илии сылааһын” иистэнньэҥнэрэ маастар-кылаас ыыттылар

Өрөспүүбүлүкэтээҕи «Илии сылааһа» (сал. Саввина И.Е.) иистэнэр сыах үлэһиттэрэ филиалларынан командировкаҕа сырыттылар.

Нам, Хаҥалас улуустарын кэнниттэн олунньу 14-15 күннэригэр Кэбээйигэ, Куокуйга сүрүн иистэнньэҥнэр  Рожина А.Г., кураторбыт Сметанина А.Н. кэллилэр. Сүрүн сыалларынан филиаллар  үлэлиир усулуобуйаларын, туох кыһалҕалаахтарын  көрүү-истии, иискэ көмөлөһүү буолар.

Айталина Гаврильевна флис матырыйаалынан халыҥ куурканы тигиигэ маастар-кылаас ыытта. Иистэнньэҥнэр ньэмиэти быһыыга ыарырҕаталлар, онно сүбэлээн, ыйан-кэрдэн биэрдэ.

Кинилэринэн Ирина Егоровна Саввина иистэнэр массыыналарбытын ыыппыт. Хаһан да биһиги улууска айаннаабатах суоппар Еремин Евгений Владимирович сымнаҕастык айаннатан илдьэ сырытта.

Салайааччыбыт Ирина Егоровна сүрүн иистэнньэҥнэрин сыаллаан-соруктаан ыыппытыгар махтанабыт. Эрчимнэрин, эрэллэрин сүтэрбэккэ  сылдьалларыгар, үтүө холобур буола туралларыгар баҕарабыт!

Ираида Софронеева,

Куокуй, Кэбээйи

Хаартыскалар ааптар тиксэриилэрэ