Куокунуга  быстах хомуурга барбыт уолаттар дьиэ кэргэттэригэр көмө

Сунтаар улууһун Куокунутугар  быстах хомуурга барбыт уолаттар дьиэ кэргэттэригэр олохтоох дьаһалта үлэһиттэрэ, волонтердар көмөлөһөллөр.

Ол курдук, олохтоох дьаһалтаҕа араас ис хоһооннох сайаапкалар киирэ тураллар. Үлэһиттэр быһа гыммакка, тута сөбүлэһэн, туох кыалларынан көмөлөһөллөр. Бу сырыыга Аҕа баһылык Михалев Леонид Петрович, спорт уонна ыччат исписэлииһэ Егоров Иван Артемович быстах байыаннай хомуурга барбыт Константинов Р. Р. төрөппүттэригэр Ульяна Михайловнаҕа уонна Роман Романовичка дьиэлэрин бойлера алдьаммытыгар  саҥа бойлеры туруоран биэрдилэр. Кыстык кэмигэр тахсыбыт балаһыанньаны түргэнник туоратан, ыаллар сылаас дьиэҕэ олороллор.

Сунтаар улууһун дьаһалтатын пресс-сулууспата