Хаартыска "Биир ньыгыл Арассыыйа" баартыйа Саха сиринээҕи салаатыттан
Бу күннэргэ Сибиирдэээҕи куолакалы тыаһатааччылар Уус Алдан улууһугар былыргы куолакаллары чинчийдилэр.
Сибиирдээҕи куолакал ускуустубатын киинин исписэлиистэрэ Алексей Талашкин уонна Лев Инякин Уус Алдан улууһугар «Доҕордоһуу» судаарыстыбаннай устуоруйа-архитектура түмэлигэр баар куолакаллары чинчийдилэр. Биир куолакал түмэл кэллиэксийэтигэр баар уонна олохтоох Спасо-Зашиверскай таҥара дьиэтигэр турар, иккиһи Сэһэн Ардьакыап аатынан Уус Алданнааҕы устуоруйа-кыраайы үөрэтэр түмэлиттэн дэлэгээссийэ аҕалбыт.
Чинчиийии кэмигэр исписэлиистэр боруонса куолакал химическэй састаабын быһаардылар, ыйааһыныннаатылар, хаартыскаҕа түһэрдилэр уонна 3D-сканирование оҥордулар. Куолакалы тыаһатааччылар чинчийиини таһынан түмэл үлэһиттэригэр маастар-кылаастары ыыттылар.
Чинчийээччилэр эспэдииссийэ түмүктэрин Дьокуускай куоракка «Устуоруйа өйдөбүлэ» бартыыйынай бырайыакка кэпсээтилэр. «Устуоруйа өйдөбүлэ» «Биир ньыгыл Арассыыйа» бартыыйатын бырайыагынан буолар. Исписэлиистэр таҥара дьиэлэригэр уонна түмэллэргэ сырыттылар, өрөбөлүүссүйэ иннинээҕи кутуллубут куолакаллары чинчийдилэр.
Эспэдииссийэ кэмигэр исписэлиистэр Күөрдэм, Булгунньахтаах, Покровскай, Өктөм, Дьокуускай уонна Чөркөөх таҥара дьиэлэригэр сырыттылар, куолакаллары сканнаатылар, тимир химическэй анаалиһин ыллылар, орнаменнарын уонна тыастарын уһуллулар.
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…
Эбээн-Бытантай улууһугар биооттугунан үлэлиир саҥа хочуолунай үлэҕэ киирэри турар. Бырайыак олоххо киириитэ РФ Тутууга министиэристибэтин…
Дьокуускайга анал байыаннай дьайыы кыттыылаахтарын дьиэ кэргэттэрэ Арассыыйа Федерациятын Уопсастыбаннай балаататын сэкиритээрин бастакы солбуйааччытын, Арассыыйа…
Балаҕан ыйын 12 күнүгэр Бүлүү улууһун Үгүлээт нэһилиэгэр Кыайыы болуоссатыгар, Улуу Кыайыы 80 сылыгар анаан,…
Тыа сиригэр оҥоһуллан тахсыбыт аһы, төһө да сыаната ыараханын иһин, амтана да, хаачыстыбата да кэлии…