Хаартыска: социальнай ситимнэртэн
Ыам ыйын 1 күнүттэн “Уһук Илин – мүччүргэннээх сырыылар дойдулара” 2-с Бүтүн Арассыыйатааҕы бастыҥ айан куонкуруһа саҕаланна. Ахсынньы 30 күнүгэр диэри путешественникдв.рф сайаапка биэрэн баран, сүрүн бирииһи – 3 мөл. солкуобайы сүүйүөххүтүн сөп. Бастакы сезон кыайыылааҕынан Антон Конобиевскай буолбута.
Антон 17 күнү быһа Приморскай кыраай кытылын бата соҕотоҕун хайааҕынан устубут уонна бэйэтин мүччүргэннээх сырыытын туһунан видео устубут. “Мин Приморскай кыраайга олорбутум ыраатта, айылҕатын олус сөбүлүүбүн. Онон куонкурус биллэриитин көрөөт да, айаҥҥа турунарга быһаарыммытым”, — диир.
17 күн иһигэр Антон 500 биэрэстэни устубут, 10 киилэ ырбыт. Видеоҕа устубут отчуотугар Дубовой буухтаттан Владивостокка диэри тыытыллыбатах айылҕа кэрэ көстүүлэрин киллэрбит. Түмүгэр айанын кэмигэр бэйэтэ айбыт ырыатын киллэрбит.
Куонкуруска кыттарга быһаарыннаххына, Уһук Илин устун айаннаабытыҥ туһунан 8 мүнүүтэлээх кылгас киинэ устан, дьүүллүүр сүбэ сыанабылыгар ыытаҕын. Куонкурус хас да анал ааттаах: сатыы айан (сатыы бохуот, киһи тыыппатах айылҕатын устун бэлэсипиэтинэн айан); уунан айан (өрүһүнэн устуу, муоранан, уу аннынан айан, серфинг); кыһыҥҥы айан (хайыһарынан бохуот, ыт көлөнөн айан, кыһыҥҥы веломаршрут, сноубординг). Ураты болҕомто Уһук Илин сирин-уотун бастакы арыйааччылар суолларын батар маршруттарга бэриллэр, диэн иһитиннэрэр СӨ баһылыгын уонна бырабыыталыстыбатын пресс-сулууспата.
Куонкуруска улахан дьон ыйыытынан-кэрдиитинэн 10 саастаах оҕолор кыттыахтарын сөп, улахан дьон эмиэ кытталлар. Бастыҥ видеоматырыйааллары дьүүллүүр сүбэ талар.
Санатан эттэххэ, биһиги биир дойдулаахпыт Дугуйдаан Винокуров бастакы сезон түмүгүнэн бириистээх миэстэҕэ тиксибитэ. Кини Өймөкөөнтөн Магадаан Сэйимчээнигэр диэри кыһын аһаҕас халлаан анныгар хоно сылдьан, 800 биэрэстэни атынан барбыта.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…