Куонкурус түмүгүнэн аудио-кинигэ тахсыаҕа
![](https://sakha-sire.ru/wp-content/uploads/2024/02/4c3334b72be60cd04fb2f59aa9dff1b27e67b5a3.jpeg)
Саха сиригэр «Наши прадеды – поколение героев» аудио-кинигэ тахсыаҕа.
Национальнай бибилэтиэкэ «Наши прадеды – поколение героев» куонкуруһу былааннаата. Манна ыччаттар бэйэлэрин дьоруойдарын туһунан кэпсиэхтэрэ. Үлэлэри кулун тутар 1 күнүттэн ыам ыйын 20 күнүгэр диэри ыытыахтарын сөп диэн иһитиннэрэллэр.
Национальнай бибилэтиэкэ куонкурус түмүгүнэн 2025 сыллаахха аудио-кинигэ таһаарыаҕа, бу электроннай бибилэтиэкэҕэ ааҕарга табыгастаах буолуоҕа.
Куонкурус Улуу Кыайыы 80 сылын көрсө, «Президентская библиотека им. Б.Н.Ельцина» бырайыагы олоххо киллэрии иитинэн ыытыллар. Сөбүлэһии ВЭФ-2023 с. СӨ Ил Дархана Айсен Николаев уонна Б.Н.Ельцин аатынан Бэрэсидьиэн бибилэтиэкэтин генеральнай дириэктэрэ Юрий Носов кыттыылаах түһэрсиллибитэ. Өрүттэр дойдуга бэриниилээх буолууну күүһүрдэр, өй-санаа сыаннастарын бөҕөргөтөр, историяни билэр-көрөр, илдьэ сылдьар туһугар кэлим иһитиннэрэр эйгэни оҥорууга кэпсэттилэр.
Сообщить об опечатке
Текст, который будет отправлен нашим редакторам: