Мария Васильева хаартыската, ЯСИА.
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах кэмҥэ хааччахтааһын биллэриллибит.
— Барыта 63 кылааска (1883 үөрэнээччи) үөрэх тохтоон турар. Санитарнай нуормаҕа олоҕуран, өскөтүн биир кылааска эбэтэр бөлөххө 20 %-тан тахса оҕо ыалдьан кэлбэтэх түгэнигэр, үөрэҕи тохтотор туһунан быһаарыы ылыллар.
Чугастааҕы кэмҥэ үөрэх тэрилтэлэригэр барытыгар уопсай харантыын биллэрэр былааннаммат. Үөрэх хаамыыта эрэсиим быһыытынан барар.
Оскуолаларга уонна уһуйааннарга оҕолорго куттал суох буолуутун хааччыйар инниттэн, дьаҥы утары үлэни ыытыы күүскэ ыытыллар. Хоһу салгылаталлар, дезинфекциялыыллар уонна сууйуу-сотуу кыраапык быһыытынан барар. Роспотребнадзор ирдэбилинэн киириигэ оҕо кыраадыһын бэрэбиэркэлииллэр.
Ыарыыны эрдэттэн сэрэтэр, тарҕаныытын бохсор туһугар оҕолоргут доруобуйаларын туругун кичэйэн хонтуруоллааҥ диэн төрөппүттэртэн (сокуоннай бэрэстэбиитэллэртэн) көрдөһөбүт. Ыарыы сибикитэ (сөтөл, тумуу, оҕо кыраадыстаныыта) билиннэҕинэ оҕолоргутун дьиэлэригэр хаалларыҥ, бырааска көрдөрүҥ. Оҕо ыарыһахтан туспа, тэйиччи сырыттаҕына вирус маассабайдык тарҕаммат, — диэн үөрэх управлениета МАХ сыһыарыыга суруйар.
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…