Хаартыска -- Мария Васильева / СИА, видео -- Дьокуускай куорат уокуруктааҕы дьаһалтатын пресс-сулууспата.
«Ытыктабыллаах Сахабыт сирин олохтоохторо! Муус устар 30 күнүгэр түмүктэниэхтээх Дьокуускай куоракка тутуллуохтаах бырайыактарга куоластааһын буола турар.
Ол бырайыактартан биирдэстэрэ «Ытык сир» паарка буолар. Бу аэропортан куоракка киириигэ баар сир. Иэнэ 4,7 га.
Бырайыак быһыытынан, манна Саха сиригэр олорор дьон уонна кэлии ыалдьыттар сылдьан сиэр-туом тутуһан алгыстанан, арчыланан ааһар сирдэрэ буолуохтаах.
Маны таһынан дьон салгыҥҥа сылдьан сынньанар, араас тэрээһиннэргэ кыттар буолуохтара, бары улуустар анал миэстэлэригэр номохторун сырдатар кыахтаныахтара.
Бу «Ытык сир» бырайыак олоххо түргэнник киирэригэр хас биирдии киһи куолаһа сүдү суолталаах. Куоластааһыҥҥа 14 саастарыттан кыттыахтарын сөп.
Онон Дьокуускай куораппытыгар ураты кэрэ көстүүлээх паарка баар буоларын туһугар бары күүһү түмүөҕүҥ, куоластыаҕыҥ!»
«Ытык Сиргэ» куоластааһын сыылката https://14.gorodsreda.ru/objects?location=m98701000
Куоластааһын хаамыыта 9 чаас 57 мүнүүтэ муус устар 30 күнэ 2024 сыл:
1. Ю. А. Гагарин искибиэрэ – 17768 куолас
2. “Ытык сир” паарка – 21604
Куоластааһын бу түүн 12 чааска бүтэр. Ким куоластаабатах кытаатан бириэмэ булан куоластааҥ».
«Ытык сир» паарка бырайыагын өйүүр бөлөх
Бөлөх көхтөөх чилиэнэ Аскалон Егоров бар дьонугар бэйэтин хоһоонун аныыр:
Сахабыт сирин үрдүнэн,
Аныгы олох сиэринэн,
Үөгүлүүр үбү былдьаһар
Араас бырайыак аһыллар.
Хайаан да куоластаан кыайбыкка
Үп-харчы ботуччу тиксиэҕэ.
Ол иһин норуот уһуктан
«Ытык сир» паарканы өйөөтө,
Сахабыт сиригэр туһатын өйдөөтө!
Чэй эрэ, бүгүн — тиһэх күн.
Куоластыы бүтүннүү тахсыаҕыҥ!
Сомоҕо күүспүтүн көрдөрөн
Барыбыт бүттүүн түмсүөҕүҥ!
Куоластыы иликтэр турунуҥ!
Кыайыыга мөрүөннээн кыттыһыҥ!
Сахабыт сирин бар дьоно
Баҕарар ырата туолуохтун!
Өркөн ДьОЛ
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…