Куорат 3-с №-дээх балыыһатын кылаабынай бырааһа ДНР-га офтальмологтар үлэлэрин туһунан кэпсээтэ

ДНР доруобуйаҕа харыстабылын миниистирэ Дмитрий Гарцев Саха сириттэн хирург-офтальмологтар үлэлэрин дьон олоҕун тупсарыыга дьиҥнээх холобурунан ааттаата.

Куорат үһүс нүөмэрдээх балыыһатын кылаабынай бырааһа Светлана Давыдова байыаннай дьайыы усулуобуйатыгар ыытыллыбыт үлэ уонна Саха сирин исписэлиистэрэ Донбасс олохтоохторугар көмөлөрүн туһунан кэпсээтэ, диэн Ленскэй кулууп иһитиннэрэр.

Светлана Давыдова шефтэһэр Кировскай куораттарыгар мэдиссиинэ десана барара наадалааҕын эттэ.

“Кэнники аҕыс сыл устата ДНР уонна атын саҥа эрэгийиэннэр хас биирдии олохтоохторугар доруобуйаларын туругунан үгүс кыһалҕа үөскээбитэ. Билиҥҥи туругунан биһиги мэдиссиинэ биригээдэлэрбит барыылара доруобуйа харыстабылыгар балаһыанньаны тупсарда. Бу буолар биһиги сүрүн сыалбыт”, — диэтэ быраас.

Саха сирин харах быраастара бу эрэгийиэҥҥэ үһүс сырыылара. Кулун тутар ыйга биригээдэ Мариупольга үлэлээн, түөрт күн устата 258 эпэрээссийэни оҥордо.

“Өскөтүн эмчиттэр биригээдэлэрин бастакы сырыыта бэрэбиэркэлиир көрүҥнээх буоллаҕына, билигин офтальмологтарбыт пациеннары приемнааһын көдьүүстээх ньыматын тобуллулар – суруйтарыыттан салгыы көрүүгэ-истиигэ диэри. Сырыы ахсын айаммыт көдьүүстэх буолан иһэр”, — диэтэ Давыдова.

Саха сирин эмчиттэрэ  Доннааҕы Ростовка  байыаннай госпиталь үлэтигэр кытталлар. Маннык биригээдэлэртэн биирдэстэрин Светлана Давыдова салайбыта диэн СИА иһитиннэрэр.