Хаартыска: Оройуоннааҕы балыыһа пресс-сулууспата
Уус Алдан улууһун доруобуйатын харыстабылыгар сэтинньи ый олус тэтимнээхтик ааста.
Оройуоннааҕы киин балыыһа кылаабынай бырааһа Сергей Черкашин ыҥырыытынан, улууска урут суох онколог-быраас уонн икки эндоскопист-быраас нэһилиэнньэ доруобуйатын бэрэбиэркэлээтилэр (урут олохтоохтор Дьокуускайга баран көрдөрөргө күһэллэллэрэ).
Эндоскопист-быраастар Радик Степанов уонна Иннокентий Толстяков икки күн иһигэр 44 киһи доруобуйатын көрдүлэр, кинилэртэн 24 киһиэхэ куртас-оһоҕос трагар уларыйыылар бааллара бэлиэтэннэ. Онколог-быраас Варвара Долгунова эмиэ икки күн иһигэр 46 киһини көрдө, 26 ыарыһах учуокка турар.
Дьокуускай куоракка доруобуйаларын үчүгэйдик көрдөрөргө -– 8, ОКГ-рентгеҥҥэ – 5, УЗИ-га -– 17, онкомаркер анаалыһын туттарарга -– 11, маммографияҕа 2 киһини ыыттылар.
Ону сэргэ улууска сэтинньи 21 күнүттэн өрөмүөн кэнниттэн көһөрүллэ сылдьар сыыппаралаах ФЛГ үлэлээтэ. Рентген-кэбиниэт лаборана Сыырдах, Тиит-Арыы, Түүлээх, Танда уонна Бээрийэ курдук ыраах сытар нэһилиэктэргэ сырытта. Ол түмүгэр 427 киһи скрининг-чинчийии оҥоттордо, 3 киһиэхэ доруобуйатын сиһилии чинчиттэрэригэр этилиннэ. Сыл бүтүөр диэри ыраах сытар нэһилиэктэргэ барыы эмиэ былааннанар.
Санатан эттэххэ, «Парус» көһөрүллэ сылдьар мобильнай рентген-аппараат былырыын олунньуттан «Доруобуйа харыстабыла» национальнай бырайыак чэрчитинэн доруобуйа харыстабылын бастакы сүһүөх звенотун модернизациялааһын бырагырааматынан ылыллыбыта.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Надежда Егорова-Намылы "Киһи күн…
Уот Кыһыл Сылгы сыл кэлбитинэн тапталлаах Дьөһөгөйбүт оҕото атын кыыллартан туох уратылааҕын билэ-көрө түһүөҕүҥ. Былыргы…
Ааспыт сыл бүтүүтэ, ахсынньы 30 күнүгэр, Үөһээ Дьааҥы Баатаҕайыгар элбэх кыбартыыралаах дьиэ умайан, биир эр…
Бүгүн, тохсунньу 3 күнүгэр, өрөспүүбүлүкэ баһыйар үгүс өттүгэр хаардыаҕа. Арҕаа 9-14 м., соҕуруу 15-17 м.…
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…