Куорат күнүн көрсө бүгүн туох ыытылларый?

Быйыл Дьокуускай куораппыт төрүттэммитэ 392 сыла туолар. Сыл ахсын куорат күнэ балаҕан ыйын иккис өрөбүлүгэр бэлиэтэнэр. Быйыл балаҕан ыйын 8 күнүгэр  түбэһэр. Бэлиэ бырааһынньыгы көрсө тэрээһиннэр саҕаланнылар. Бүгүн, балаҕан ыйын 6 күнүгэр, туох ыытыллар эбитий?

Куорат күнүгэр былааннаммыт тэрээһиннэр устуоруйаҕа, култуураҕа патриоттуу тыыҥҥа иитэр, сирдиир, үөрэтэр-биллэрэр хабааннаахтар.

12.00–16.00 ч. — А.Е. Кулаковскай аатынан Норуоттар доҕордоһууларын дьиэтигэр  “Чэгиэн Дьокуускай” (“Здоровый Якутск”) дьаарбаҥка күүтэр. Поярков аатынан уулусса 4-с нүөмэрэ.

14.15 ч.  — Дьокуускай куорат баһылыга Евгений Григорьев киин куорат ытык кырдьаҕастарын Сүбэтин  кытта көрсүһүөҕэ. Буолар сирэ – Куорат уокуругун дьаһалтатын дьиэтэ, аччыгый саалата.

17.00 ч. — Дьолунан тосхойор Дьокуускай куорат төрүттэммитэ 392 сылыгар анаммыт үөрүүлээх быһыыга-майгыга ыытыллар  уопсастыбаннас мунньаҕа тэриллиэ. Буолар сирэ – Дьокуускай куорат уокуруктааҕы дьаһалтата.