Куорат күнүн Оһуокайа

Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна.

Оруобуна 1 чаастан саҕаланна уонна киэһэ 6 чааска бүттэ. Куорат күнүгэр куорат этээччилэрин сэргэ Сунтаартан Дархан этээччилэр Лилия Дмитриевна Михайлова уонна Мэҥэ Хаҥаластан Дархан этээччи Станислав Иванов, Уус Алдантан үтүөлээх этээччи Уйбаан Бурцев уонна куорат этээччилэрэ эттилэр. Хас биирдии түһүлгэ этээччитэ элбэх дьону хапта, куорат олохтоохторун түмтэ. Дьоллоох Дьокуускай куораппыт сайда турарыгар алҕаатылар.

Оһуокай өрөспүүбүлүкэтээҕи түмсүүтүн салайааччыта Александр Джурович Данилов улахан тэрээһини үрдүк таһымнаахтык ыыппыттарыгар махтанна.

Марта Николаева