Куорат мээрэ Евгений Григорьев суруналыыстары кытта көрүстэ

Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ түмүктэннэ.

Мээр көрсүһүүгэ балачча хойуутаан кэллэ. Ол да иһин ураһаҕа киирээт, бырастыы гыннаран баран, тоҕо хойуутаабытын быһааран биэрдэ:

««Дыгын оонньууларыгар» хаһааҥҥытааҕар да элбэх киһи мустубут. Быйылгыттан ыһыах ыһыллар улахан түһүлгэтигэр ыытар быһаарыыны ылбыппыт да үчүгэй эбит. «Дыгын оонньуулара» ыытыллыбыта үбүлүөйдээх 30 сылыгар бу буолан кэлбит оонньуулар бары кыайыылаахтаарын чиэстээтибит. Ол иһин кыра хойуутааһын таҕыста».

Суруналыыстар интэриэһиргиир боппуруостарын хото биэрдилэр.

Куорат баһылыга Евгений Григорьев «бачча элбэх дойду араас куораттарыттан ыалдьыттар хайдах, хантан билэн кэлэллэрий?» диэн ыйытыыга «биһиги эрдэттэн бырааттыы куораттарбытыгар ыҥырыылары ыытабыт. Онон үгүстэр эрдэттэн дьаһанан кэлэллэр. Ол курдук, быйыл 6 киин куорат дуумаларыттан, Благовещенскай, Улан-Удэ уо.д.а. Уһук Илин эрэгийиэннэриттэн, тас дойдулартан — Индияттан, Кытайтан, бырааттыы дойдулартан аҥардас Астанаттан 140 киһи кэлэн Туймаада ыһыаҕын көрө-истэ сылдьаллар. Салгыы куорат мэрин пресс-кэмпириэнсийэтиттэн эбии билиһиннэриэхпит.