Хаартыска: pxhere.com/ru/photo
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор дьахтар уопсай көрүдүөр олус улахан дии санаабыт уонна дьиэ уопсай баайыгар көҥүлэ суох суудайбыт.
Атыннык эттэххэ, шлакоблогунан быыс оҥорбут, онтон сылтаан аттынааҕы кыбартыыра аана ситэри арыллыбат туруктаммыт. Ол ыал суукка тиийбэккэ эрэ дьыаланы быһаарса сатаабыт, оҥорбут быыһын кини киирэр ааныттан тэйитэригэр көрдөспүт да, анараа дьон кини көрдөһүүтүгэр наадыйбатахтар. Онон көрдөһөөччү суукка үҥсэргэ күһэллибит.
Суукка быһаарыллыбытынан, 7-с этээс көрүдүөрүн сорҕотун киниэхэ биэрэр туһунан быһаарыы ылыллыбатаҕын туһунан тутааччы иһитиннэрбит. Ону таһынан олорор дьиэ-уот сыһыаннаһыыларын департамена киирбит үҥсүү-сайабылыанньанан бэрэбиэркэни ыыппыт уонна олорор дьиэни-уоту баҕа өттүнэн уларыппыттарын көннөрөллөрүгэр ирдэбил ыыппыт. Ол гынан баран, ирдэбил толоруллубатах уонна кэһиилэри туораппатахтар.
Суут ыйбытынан, элбэх кыбартыыралаах дьиэлэр уопсай көрүдүөрдэригэр эбии быыстары уонна ааннары туруорарга олорор дьиэни бас билээччилэр барыларын сөбүлэһиилэрэ ирдэниллэр.
Дьокуускай куорат суута эппиэттээччилэр көҥүлэ суох оҥостубут быыстарын, ааннарын босхолуулларыгар эбээһинэстээтэ. Ону сэргэ, эппиэттээччилэртэн үҥсээччи суотугар 3000 суумалаах госпошлина суумата ылылынна.
Эппиэттээччилэр маннык быһаарыыны кытта сөбүлэспэтилэр уонна СӨ Үрдүкү суутугар үҥсүү түһэрдилэр.
Үрдүкү суут гражданнар дьыалаларыгар кэллиэгийэтэ дьыала матырыйаалын сиһилии үөрэтэн баран, суут быһаарыытын уларытарга төрүөтү булбата, куорат суутун быһаарыытын сокуоҥҥа сөп түбэһэринэн быһаарда уонна күүһүгэр хаалларда.
СӨ Үрдүкү суутун пресс-сулууспата
Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ)…
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…