Оптуобустар сырыылара. Туруорсуулар, үҥсүүлэр, ыйытыылар

Бэҕэһээ, ахсынньы 16 күнүгэр, куорат оптуобустарын 300-900 «Итии лииньийэтэ» үлэтин үһүс күнэ түмүктэннэ.

Бу үс күн иһигэр куорат олохтоохторуттан уопсайа 147 үҥсүү киирбит.  Оптуобуһунан айаннааччылар 41 баҕа санааларын, 30 — оптуобус айанын хайысхатыгар, 24 — сүбэ көрдөөн, 20 — оптуобус сылдьар бириэмэтигэр, 12 — үҥсүү оптуобуска тахсыбыт быһылааннарынан киирбиттэр. Мантан икки быһылаан суһаллык быһаарыллыбыт.  300-900 «Итии лииньийэ» өрөбүлэ суох сарсыарда 07.00 чаастан киэһэ 21.00 чааска диэри  үлэлиир.