Хаартыска -- СӨ Аҕа баһылыгын уонна Бырабыыталыстыба пресс-сулууспата
Бу күннэргэ киин куоракка халыҥ хаартан босхолонуу үлэтэ тэрээһиннээхтик ыытыллар.
Биллэн турар, ордук оҕо тэрилтэлэригэр болҕомто ууруллара ирдэнэр. Ол да иһин буолуо, Ил Дархан Айсен Николаевка социальнай ситим нөҥүө Дьокуускай куорат 31 №-дээх оскуолатын төрөппүттэрэ уонна үөрэнээччилэрэ тахсан, оскуола тиэргэниттэн хаары таһыыны хонтуруолга ыларыгар көрдөстүлэр. Эрэгийиэн баһылыга үлэтигэр баран иһэн, оскуола тиэргэнин көрдө. Таарыйа хас да уһуйаан аттынан ааста. 31-с оскуола тиэргэнигэр киирэн баран, Ил Дархан бастакы вице-премьер Дмитрий Садовниковы уонна куорат мээрэ Евгений Григорьевы ыҥыттарбыт.
— 31-с оскуола куорат киинигэр турар. Миэхэ бэҕэһээ мантан хаар таһыллыбытын туһунан дакылааттаабыттара. Ол эрээри хаар сыппытын курдук сытар. Оскуола оҕолоро уонна төрөппүттэрэ бэйэлэрин күүстэринэн таһа сатыы сылдьаллар эбит. Сайаапка түһэрбиттэр да, хоруй суох. Манна оҕолор үөрэнэллэр эбээт. Ильменскэй түөлбэҕэ «Кэскил» уонна «Ивушка» уһуйааннар тиэргэннэрэ эмиэ хаарынан туолан сытар, — диэн бэлиэтээтэ Айсен Николаев уонна бу балаһыанньаны көннөрөргө соруйда.
Бүгүҥҥү күҥҥэ хас биирдии министиэристибэ уонна биэдэмистибэ куорат управаларыгар сыһыарыллан тураллар. Маны таһынан, куорат тэрилтэлэрэ бэйэлэрин аттыгар сытар хаары-мууһу ыраастаан, бу күннэргэ куорат сорох киин уулуссалара куурар аакка бардылар. Ол да буоллар, 31-с, 10-с, 23-с оскуолалар тиэргэннэрэ халыҥ хаарынан бүрүллэн сыталлар эбит.
Онон өрөбүллэри аахсыбакка, киин куоракка хаартан босхолонор үлэ тэтимнээхтик барар.
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…