Куорат сөтүөлүүр сирин 203-с түөлбэҕэ диэри кэҥэтиэхтэрэ

Быйыл Дьокуускай куорат сөтүөлүүр сирэ (пляһа) оҥоһуллан, тупсан турар. Кэлэр сылга 202-с түөлбэҕэ баар сөтүөлүүр сири 203-с түөлбэ бүтэр муннугар тиийэ эбии оҥоруохтара, кыһынын кумах аҕалан, өрүс кытылыгар кутуохтара. Бу туһунан куорат мээрэ «Россия 24» ханаалга быһа эпииргэ кэпсээтэ. 

203-с түөлбэ диэкинэн өрүс кытыла таастаах. Ол да үрдүнэн, олохтоохтор киирэн сөтүөлүүллэр. Кумах кутулуннаҕына, анал сөтүөлүүр сир оҥоһулуннаҕына, бэрт буолуо этэ.

— Куорат пляһын биһиги «Парустар» диэн дьиэлэргэ диэри уһатыахпыт, өссө Роман Дмитриев аатынан кытыл уулуссатын өттүнэн — оҥочо ыстаансыйатыгар тиийэ кэҥэтиэхпит. Кыһыҥҥыттан кумах аҕалан, кытылга кутуохпут. Сыыйа күрүөлээн, харабыллар үлэлииллэрин ситиһиэхпит, — диэн Евгений Григорьев кэпсээтэ диэн СИА суруйар.

Быйылгы стөлүөлүү кэм саҕалана илик, уу тымныы эрээри, эрдэлээн, уора-көстө сөтүөлүүр дьон көстөллөр. Билигин «хара уу» кэлэн, өрүс туолан турар.