Куораттааҕы быыбардыыр хамыыһыйаҕа киириэхтээх хандьыдааттары талыахтара

Дьокуускай куораттааҕы территориальнай быыбардыыр хамыыһыйа учаастактааҕы быыбардыыр хамыыһыйа быыһаарар куоластаах чилиэнигэр хандьыдааттары сүүмэрдээһиҥҥэ докумуоннары (учаастактааҕы хамыыһыйа солбук састааба) ылыыны тохтотто.

118-с учаастактааҕы быыбардыыр хамыыһыйаҕа 1529 вакантнай миэстэҕэ Дьокуускай куорат Дууматыгар киирэр биэс парламентскай баартыйаттан, ону таһынан олорор сирдэринэн үлэлэринэн, үөрэхтэринэн хандьыдааттары туруордулар.

Билиҥҥитэ быыбардыыр хамыыһыйа састаабыгар киирбит дьон кандидатураларын бэрэбиэркэлээһин барар. Дьокуускай куораттааҕы ТИК бэрэссэдээтэлэ Сардана Алексеева иһитиннэрбитинэн, учаастактааҕы быыбардыыр хамыыһыйаны талыы мунньаҕа ыам ыйын 29 күнүгэр ыытыллыа.