Хаартыска: виедоттан скрин
Таатта оройуонун урукку баһылыгын айдааннаах дьыалатыгар суута буолан ааста. Силиэстийэ көрдөрүүтүнэн, буруйданааччы бүддьүөт харчытын ороскуоттаабыт, сокуоннайа суох хантараак түһэрсибит, бүддьүөт харчытынан ыстарааптарын төлөөбүт. Кинини кытта суут ыскаамыйатыгар икки үлэһитэ олордулар.
Силиэстийэ быһаарыытынан, буруйданааччы 2021 сыллаахха толору хааччыллыылаах култуура киинин дьиэтин атыылаһыыга хантараакка илии баттаабыт. Аны туран торги ыытыллыбатах, ол аата сокуоннайа суох дьайыы тахсыбыт. Силиэдэбэтэллэр чахчыларынан, экс-баһылык бэдэрээтчиккэ 50 мөлүйүөнтэн тахса суума харчыны үлэһиттэригэр ыыталларыгар сорудахтаабыт. Култуура киинэ тутуллубатах, хантараак көтүрүллүбүт, харчы төннүбэтэх. Аныгыс сылыгар буруйданааччы адбакааты үлэҕэ ылбыт уонна казеннай тэрилтэҕэ кылаабынай исписэлиис дуоһунаһын биэрбит. Силиэстийэ этэринэн, ити курдук экс-баһылык юристка хамнаһын төлүөн баҕарбыт уонна тус харчытын ороскуоттуон баҕарбатах. Саҥа дуоһунаска адбакаат тугу да оҥорботох, эбиитин 588 тыһыынчаттан тахса солкуобайы ылбыт. Салгыы силиэстийэлээччилэр этэллэринэн, экс-баһылык бэйэтин административнай ыстарааптарын бүддьүөттэн төлөөбүт. Бу дьыалаҕа кини бэйэтин бастакы солбуйааччытын уонна экэниэмикэ управлениетын начаалынньыгын кыттыһыннарбыт. Бу сыалга биллибэт урбаанньыты кытта субсидияны биэрэргэ сымыйа дуогабар түһэрсибит. Силиэстийэ чахчыларынан, кумааҕылар сымыйалар. Харчыны ыстараап төлүүргэ туһаммыттар, сороҕун сиэптэригэр уктубуттар.
Буруйданааччы уонна биир үлэһитин харчыны ороскуоттааһыҥҥа буруйдаатылар. Иккис үлэһиккэ кыттыгастааҕар дьыала оҥоһуллубут.
СӨ Борокуруора урукку баһылыгы сэттэ сылга хаайыыга көҥүлүн быһарга, судаарыстыбаннай сулууспаҕа уонна муниципальнай дуоһунастарга үс сылга болдьоххо үлэлиир быраабын тохтоторго этии киллэрдэ. Бу туһунан СӨ Борокуратууратын пресс-сулууспата суруйар.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…