Хаартыска: pxhere.com/ru/photo
Туһааннаах быһаарыы ыам ыйын 12 күнүгэр буолбут Дьокуускайдааҕы санитарнай- эпидемиологическай хамыыһыйатын мунньаҕар ыллылар.
Бэнидиэнньиккэ, ыам ыйын 13 күнүттэн, Дьокуускайдааҕы санитарнай- противоэпидемиологическай хамыыһыйатын быһаарыытынан, оскуолаларга уонна оҕо уһуйааннарыгар куор ыарыытын сэрэтэр инниттэн үөрэҕи быстах кэмҥэ тохтотуу туһунан быһаарыы ылыллыбыта тохтуур. Хааччахтар туһааннаах инкубационнай кэми ааспатах, куору утары быһыыны ылбатах оҕолордоох уонна үлэһиттэрдээх тэрилтэлэргэ оннунан хаалаллар.
Санаттахха, Дьокуускай куорат оскуолаларыгар уонна оҕо уһуйааннарыгар хааччахтыыр дьаһаллар муус устар 17 күнүттэн ыам ыйын 10 күнүгэр диэри куор ыарыытын көрдөрүүтэ үрдээһининэн киллэриллибиттэрэ. Дьокуускайдааҕы санитарнай- противоэпидемиологическай хамыыһыйатын Национальнай быһыы ылар халандаарыгар сөп түбэһиннэрэн, үөрэх тэрилтэлэригэр куор ыарыытын сэрэтэр инниттэн, куору утары быһыыны ылбатах оҕолор, үлэһиттэр үөрэхтэн, үлэттэн быстах кэмҥэ тохтотор туһунан быһаарыы ылыллыбыта. Итини таһынан бу хааччахтар устудьуоннары уонна орто, үрдүк үөрэх кыһа үлэһиттэрин эмиэ таарыйбыта.
Дьокуускайдааҕы санитарнай-противоэпидемиологическай хамыыһыйата уонна Роспотребнадзор Саха сиринээҕи управлениета оҕолорго, үлэһиттэргэ анаан сайыҥҥы оҕо чэбдигирдэр лааҕырдарыгар ыытыан иннинэ, наадалаах быһыы ылалларыгар сүбэлииллэр. Итиэннэ оҕолор уонна төрөппүттэргэ куор ыарыыттан быһыы баарын бэрэбиэркэлииргэ сорудахтанна.
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…