Н.Осипов
Сайыҥҥы ыйдар хороҕор муостааҕы, сыспай сиэллээҕи иитэр тыа сирин дьонугар былдьаһыктаах кэмнэр буолаллар, ол курдук тыа сирин киһитэ Сахабыт сирин аҕыс ыйдардаах томороон тымныылардаах кыһыҥҥа дэлэччи оту хаһаанарга күүскэ үлэлиир.
Оттооһун үгүс тургутуулардаах түгэннэри ааһар: ардахтаах, кураан, үүнүүлээх сыллар буолаллар. Холобурдаан эттэххэ, “Үлэ Күүһэ” оройуоннааҕы хаһыат саһарбыт илиистэрин бэрийдэххэ, 1950 сыллаах сайын оттооһуну быһаарар от, атырдьах ыйдарын 61 хонугуттан 51-гэр ардахтаах күннэр буолбуттар. Бу курдук айылҕа араас быһылааннара көстөн ааспыттара.
Тыа сирин дьонугар оттооһун кэмнэрэ саҕаланнылар, ол гынан баран Куорунай Мытааҕар ыам ыйа тыаллаах, кураан, сиигэ аҕыйах буолан, онтон бэс ыйыгар сөрүүн уонна үс күннээх хаһыҥнар түһэннэр, сүрүн оттуур ходуһаларга от үүнүүтэ мөлтөх. Онон сылгылаах, ынахтаах дьон тэлгэһэлэрэ үүнэннэр оттооһуну онтон саҕалаатылар.
Былаан быһыытынан нэһилиэккэ оттооһун кэмигэр 100-тэн тахса отчут кыстыгы быһаарыыга туруулаһан, билиҥҥи кэм ирдэбилинэн мотокосанан, араас маркалаах охсор, мунньар, кэбиһэр техникаларынан оттууллара сабаҕаланар.
Нэһилиэккэ Валерий Варламов, Серафим Григорьев, Валентин, Лука Николаевтар, Руслан Чемезов, Владимир Павлов, Прокопий Трофимов сылгыны, ынах сүөһүнү дэлэччи иитэр бөдөҥ пиэрмэр-бааһынай уонна атын хаһаайыстыбалар күн-дьыл туругуттан көрөн, от үүнүүтүн билгэлээн, нэһилиэк 1200 тонна от былаанын толорорго сотору кэминэн оттооһуну көхтөөхтүк саҕалыахтара.
Николай Осипов, РФ суруналыыстарын сойууһун чилиэнэ
Бүгүн Өймөкөөн улууһугар өрүстэр уонна үрэхтэр хааларыттан тахсан, оройуоҥҥа үрдүк бэлэмнээх буолуу эрэсиимэ биллэриллибитэ. Күнүс…
Саха сиригэр дроннар -- пилота суох көтөр аппарааттар таһаҕаһы тиэрдэн саҕалаатылар диэн Ил Дархан Айсен…
Бэстээхтэн тахсааты кытта Таатталыыр суол диэки «Солнечный берег» диэн дьикти кэрэ, тыытыллыбатах айылҕалаах сөтүөлүүр сир…
Бэҕэһээ Балыксыт күнүн Чокуурдаах олохтоохторо сэргэхтик бэлиэтээтилэр. Төһө да ардаабытын, тыаллааҕын, таһырдьа +9 кыраадыс да…
Бу күннэргэ Өймөкөөн улууһугар тохтоло суох дохсуннук ардаан, нэһилиэктэргэ өрүстэргэ уонна үрэхтэргэ уу таһыма үрдээн,…
Тыа сиригэр саамай үчүгэй уу -- ардах, хаар уута. Куоракка кыраантан кэлэр уу араас туустаах,…