Дьокуускай куорат Северная 10 №-дээх дьиэ олохтоохторун тус архыыбын хаартыската
Бэйдиэ сылдьар ыт, куоска кыһалҕата Дьокуускайга уруккуттан сытыытык турар. Ол курдук, социальнай ситимҥэ Дьокуускай куорат Северная уулуссатын 10-с №-дээх дьиэтигэр олорор дьон: «Куоска сытыттан тууйуллан эрэбит», — диэн аймалҕан таһаарбыт.
Ол курдук, кинилэр дьиэлэригэр олорор дьахтар 34 кв.м иэннээх кыбартыыраҕа куоска иитэр приют аһан, дьиэҕэ уопсайа 72 куосканы тутар эбит. Бүтүн дьиэ үрдүнэн элбэх куоска сыта-сымара, түүннэри-күнүстэри ньааҕынаһыылара олохтоохтору эрэйдээбит.
Биһиги, Дьокуускай куорат Северная уулусса 10-с №-дээх дьиэтин көрөр-истэр «Жилищный стандарт» салайар хампаанньааҕа сибээскэ таҕыстыбыт. Миигин кытта Светлана Михеева диэн нэһилиэнньэни кытта үлэлиир исписэлиис кэпсэттэ:
— Северная уулусса 10-с №-дээх дьиэтин олохтоохторун ааттарыттан биһиэхэ үҥсүү чахчы киирбитэ. Олохтоохтор бу дьиэҕэ олорор дьахтар куоска арааһын иитэн санитарнай-эпидемиологическай нуорманы кэһэрин, кыылларын сыта-сымара дьиэни биир гына тарҕанарын туһунан суруйбуттара. Олохтоохтор үҥсүү суруктарынан былырыын от ыйыгар Роспотебнадзор тэрилтэ лабораторнай чинчийиилэри оҥорон аммиак концентрацията уон төгүл үрдээбитин бэлиэтээбитэ. СанПин ирдэбилинэн, маннык усулуобуйаҕа чахчы киһи олорор усулуобуйата суох. 498№-дээх «Кыылга эппиэтинэстээх уонна амарах сыһыан» ирдэбилинэн, элбэх кыбартыыралаах дьиэҕэ приют тэрийэр бобуллар. Оччолорго дьахтар иитэр куоскатын ахсаана 46 устуука, ону сэргэ 15 куоска оҕото иитиллэрэ. Биһиги лабораторнай чинчийии боротокуолун сыһыаран баран СӨ Бэтэринээрийэ Департаменыгар бу дьиэ олохтооҕо ПН аатыгар миэрэ ылалларын туһунан сурук ыыппыппыт уонна маннык эппиэти туппуппут. Ол курдук, Северная уулусса 10№-дээх дьиэ олохтооҕо ПН аатыгар кулун тутар 22 күнүгэр административнай быраабы кэһии иһин боротокуол оҥоһуллубута. Олохтоохтор элбэх куоска сытыттан тууйуллан салгыы сууттаһар санаалаахтар. Тоҕо диэтэххэ, Бэтэринээрийэ Департамена маннык дьыалаҕа ыстарааптыыр эрэ бырааптаах. Оттон олохтоохтор холкутук, чуумпутук уонна ыраастык олоруохтарын баҕараллар.
Ол эрээри, билигин даҕаны куосканы сөбүлээн иитээччи приютун саппатах, куоскатын ахсаана былырыыҥҥыттан икки төгүл элбээбит.
Бүгүн Чурапчыга Кутурҕан уонна кэриэстэбил күнүгэр ”Ийэ уонна оҕо” мемориалыгар Чурапчы холкуостарын күүс өттүнэн хоту…
Билигин хаһааҥҥытааҕар даҕаны хамсаабат баайы-дуолу – дьиэни үгүс киһи атыылыыр. Ол эрээри кыбартыырабын атыылаатым диэн…
Мэҥэ Хаҥалас улууһугар массыына суолугар тайах кабельга иҥнэн, Саха сиригэр интэриниэт бытаара сырытта. Бу информацияны…
Дьиэ-уот хомунаалынай өҥөтүн уонна да атын өҥөлөрү төлүү куорат олохтоохторо төлүүр пууннарга тиийэллэр. Соторутааҕыта дьоҥҥо…
Балаҕан ыйын 20 күнүгэр Дьокуускайга "Нациялар кросстара" сыллата ыытыллар сүүрүү буолуоҕа. Күрэхтэһии Аччыгый Хатыыстаах арыы…
Оруобуна икки нэдиэлэнэн Дьокуускайга «Сулус» полигон баазатыгар Сэбиэскэй Сойуус Дьоруойа Федор Матвеевич Охлопков аатынан ыраах…