Куоскалар — билгэһиттэр

Куоска бары буолуохтаах мөкү да, үтүө да өрүттээх уларыйыылары-тэлэрийиилэри эрдэттэн билэр.

Оннооҕор халлаан туругун кытта сөпкө билгэлиир дииллэр. Холобур:

Өрөҕөтүнэн тиэрэ сытан утуйар буоллаҕына, халлаан сылыйар, итийэр.

Төбөтүнэн иһигэр түүрүллэн утуйар — халлаан тымныйар.

Кутуругун салыыр эбэтэр көҥүлүнэн хамсатар — тибии түһэр.

Кутуругун салыыр, төбөтүн кистиир — ардыыр.

Кэлиҥҥи атаҕын өрө көтөҕөр буоллаҕына, тыалырар.

Кулгааҕын тарбанар — ардахха уонна хаарга.

Остуол атаҕар тыҥыраҕын сытыыланар — халлаан туруга уларыйар.

Ытырдар — ардахха.

Саха ыалын халандаара,

«Бичик» («Айар») кинигэ кыһатын 2015  с. халандаарыттан.