Кураш күрэхтэһиитин бастакы күнэ — тыҥааһыннаах

Өрөспүүбүлүкэ киин куоратыгар Эллэй Боотур муус дыбарыаһыгар «Азия оҕолоро» VIII оонньуулар чэрчитинэн кураш тустуу бастакы күрэхтэһиилээх күнэ түмүктэннэ.

Саха сирин хамаандатыттан  Иван Попов уонна Магомед-Али Кумуков бэйэлэрин ыйааһыннарыгар боруонса мэтээли ыллылар.

Кураш — бэрт кэрэхсэбиллээх успуорт көрүҥэ эбит. Аатын интэриэһиргээн, үгүс киһи кэлэн көрдө уонна астынна.

Тириэньэрдэр иитиллээччилэригэр ыалдьалларын көрөн, киһи тэҥҥэ ыксыыр турукка киирэр эбит.

Тириэньэр уолугар «куттаныма!» диэн хаһыытаан, санаатын көтөхтө быһыылаах,  эдэр спортсмен үлэтэ тэтимирдэ.