Курсааннар бастакы сиэссийэлэрин түмүктээтилэр

“Саха сирэ – Дьоруойдар дойдулара” бырагыраама настаабынньыктара чуолкайданнылар.

Кинилэринэн өрөспүүбүлкэ уопуттаах салайааччылара буолуохтара – Бырабыыталыстыба Бэрэссэдээтэлин солбуйааччылара, миниистирдэр, норуот дьокутааттара, муниципалитет баһылыктара уонна судаарыстыбаннай хампаанньа салайааччылара.

“Настаабынньыктар биирдиилээн дьону эрэ кытта буолбакка, кыттааччылары барыларын кытта эмиэ үлэлиэхтэрэ. Өрөспүүбүлүкэ салайааччылара уопуттарын атастаһарга бэлэмнэр”, — диэтэ Ил Дархан, бырабыыталыстыба дьаһалтатын салайааччы Георгий Михайлов.

Георгий Михайлов эппитинэн, кинилэр сүрүн соруктара – курсааннарга идэтийбит билиилэрин уонна судаарыстыбаннай сулууспаҕа салайар үлэ сатабылын биэриэхтэрэ, сыыһаны оҥорбот буоларга, дьону кытта сатаан кэпсэтиигэ, мунньахтары ыытарга, үлэ түмүктээх буоларын туһугар дьоннуун сатаан үлэлииргэ үөрэтиэхтэрэ.

Бырагыраама хас да түһүмэхтээх, күнүскү уонна ыраахтан үөрэтэр модуллардаах, судаарыстыбаннай, муниципальнай былаас уорганнарыгар үлэлиир үөрүйэҕи ааһыахтарын сөп. Билигин кыттааччылар бастакы күнүскү сиэссийэлэрин түмүктээтилэр уонна өрөспүүбүлүкэ ситэриилээх уорганнарыгар быраактыкаларын барыахтара. Онтон салгыы кинилэри ыраахтан үөрэнии, муниципалитеттарга үлэлиир үөрүйэҕи ылыы, выпускной аттестацияланар үлэлэрин бэлэмнээһин уонна көмүскээһин күүтэр. Бырагыраама 2026 сыл ыам ыйыгар түмүктэниэҕэ, диэн иһитиннэрэр Ил Дархан, бырабыыталыстыба пресс-сулууспата.