Курсааннар стажировкалара түмүктэннэ

Балтараа ый устата «Саха сирэ — Дьоруойдар дойдулара» бырагыраама курсааннара министиэристибэлэргэ, дьаһалталарга, кэмитиэттэргэ, департаменнарга стажировкаланнылар. Үлэ хаамыытын үөрэттилэр, командировкаҕа сылдьан, тэрилтэлэр үлэлэрин кытта билсистилэр.

Стажировкалар түмүктэринэн, курсааннар үлэни тупсарыыга, саҥа структуралары тэрийэргэ бырайыактары билиһиннэрдилэр, үөрэнии туһунан өйдөбүллэрин үллэһиннилэр. Бырагыраама бүтүүтүгэр анал байыаннай эпэрээссийэ кыттыылаахтара үөрэх хамыыһыйатын иннигэр үлэлэрин көмүскээтилэр, уонча мүнүүтэлээх презентацияны көрдөрдүлэр.

Бу бырагыраама өрөспүүбүлүкэ уонна дойду туһатыгар сөптөөхтүк үлэлиир кыахтаах саҥа көлүөнэ салайааччылары тэрийиигэ көмөлөһөр диэн эспиэрдэр эрэнэллэр.

Кыттааччылар стажировкаларын бастакы түһүмэҕин кэнниттэн, тэйиччиттэн ыытыллар сессия күүтэр, онтон — муниципальнай салайыыга ылыллыбыт үөрүйэхтэри биирдиилээн үөрэтии уонна практическай туһаныы.

Эрэгийиэннээҕи “Саха сирэ — Дьоруойдар сирдэрэ” каадыр бырагыраамата бу сыл олунньутуттан Айсен Николаев көҕүлээһининэн саҕаламмыта. Куонкурус түмүгүнэн, 500 баҕалаахтан 25 киһи талыллан, үөрэнэ сылдьар.

Сиһилии: https://www.sakha.gov.ru/news/9626