Хаартыска: якутияземлягероев.рф
Ил Дархан Айсен Николаев көҕүлээһининэн тэриллибит «Якутия – Земля героев» каадыр бырагыраамата кыттааччыларга сатабылларын олоххо туһанар кыаҕы биэрэр саҥа түһүмэххэ киирэн эрэр. Бырагыраама курсаанынан талыллыбыт анал байыаннай дьайыы бэтэрээннэрэ өрөспүүбүлүкэ үрдүнэн олохтоох бэйэни салайыныы уорганнарыгар стажировкаларын саҕалаатылар.
Бырайыак бырамыысыланнай Алдантан саҕалаан, хотугу Хаандыгаҕа диэри 14 муниципальнай тэриллиини хабар, улуус сайдыытын араас өрүттэрин таарыйар.
Стажировкалар алта нэдиэлэ устата барыахтара уонна өрөспүүбүлүкэ киин куоратыгар да, ыраах сытар сирдэргэ да ыытыллаллар. Бу бырагыраама кыттыылаахтарыгар хас биирдии муниципалитет иннигэр турар сытыы кыһалҕалары быһаарыыга ылсалларыгар, сыаналаах уопут ыларга кыах биэриэҕэ.
Саамай элбэх курсаан, аҕыс киһи Дьокуускай куоракка стажировкаланар. Ленскэй, Ньурба уонна Нерюнгри оройуоннара хас биирдиилэрэ иккилии стажеры көрсөллөр. Алдан, Амма, Горнай, Мэҥэ Хаҥалас, Нам, Өлүөхүмэ, Таатта, Томпо, Хаҥалас, Чурапчы улуустарыгар эмиэ стажировкалар саҕаланнылар.
«Якутия – Земля героев» бырагыраама Инновацияны салайыы үрдүкү оскуолатын өйөбүлүнэн олоххо киирэр, методическай өйөбүлү, үөрэх модулларын оҥороллор, уопсайынан үөрэнээччилэр үлэлэрин хонтуруоллууллар. ВШИМ өрөспүүбүлүкэ социальнай-экономическай сайдыытын кыһалҕаларын көдьүүстээхтик быһаарар кыахтаах саҥа көлүөнэ салайааччылары бэлэмнээһиҥҥэ сүрүн оруолу ылар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…