Николай Андросов – биллиилээх ырыаһыт, мелодист, Самсоновтар ааттарынан Хатас орто оскуолатын муусукаҕа учуутала. Кини бэс ыйын 16 күнүгэр 1975 сыллаахха Уус Алдан улууһун Бороҕонугар Куруолук сылыгар төрөөбүтэ:
– Мин астрологияны, гороскобу интэриэһиргээбэт буоламмын, сыл бэлиэлэригэр улаханнык кыһаммаппын, кэтээн көрбөппүн. Мин бу ааһан эрэр сылга добуочча ситиһиилээхпин: айар үлэм 30 сыла туолан, ону бар дьонум ортотугар, кэнсиэртээн бэлиэтээбитим. Мелодист быһыытынан ырыа айабын, онно аналлаах мин ырыаларбын толорууга өрөспүүбүлүкэтээҕи ырыа күрэҕэ буолан ааста. Уопсайа 158 ырыаһыт кыттыбыта, онтон олус үөрэбин. Онно эдэр ырыаһыт Аскалон Семенов кыайбыта. Итиэннэ Москваҕа Саха Өрөспүүбүлүкэтин Бастайааннай бэрэстэбиитэлистибэтин өрөгөйүн ырыатын (гимн) матыыбын суруйан, быйыл үбүлүөйдээх сылга сүрэхтээбиппит.
Өрөгөй ырыатын тылларын Сергей Прачев уонна Валентина Комиссарова-Күлүмүрэ суруйбуттара, СӨ үтүөлээх артыыһа Сахаайа уонна Мариинскай тыйаатыр солиһа, биир дойдулаахпыт Григорий Чернецов толорбуттара. Бу мин олохпор саамай улахан ситиһиим буолар. Быйыл “СӨ үөрэҕин систиэмэтин туйгуна” буолбутум.
Кэлэр сыл этэҥҥэ ааһарыгар, урукку курдук эйэлээх олоххо, дьоллоохтук, үөрэ-көтө олоруохпутун баҕарабын. Онтон бэйэм айар куттаах киһи быһыытынан, бу эйгэҕэ үлэм таһаарыылаах буолуо дии саныыбын.
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…