Куруппа сыаната төһөнүй?

Дьокуускайга кууһунан атыылыыр Чернышевскай уулуссатын 66 №-дээх базатыгар өрөбүлтэн ураты күннэргэ атыы киэҥник ыытыллар. Манна дьон сыаната арыычча сөбүгэр диэн “1-кы нүөмэрдээх”  маҕаһыыҥҥа сылдьаллар. «Агромастер» диэн ааттаах оҥорон таһаарааччы бородууктатын хамаҕатык атыылаһаллар.

Бу сэтинньи ыйдааҕы сыана хайдаҕый? Ол курдук, 800 г. горох – 59-90, 1,5 киилэлээх горох – 114,80, 700 г. маннай куруппа – 49,50, 1,4 киилэлээх маннай куруппа 95-90, 800 г. гречка  – 69-95, 1,5 киилэлээх гречка  – 127-90 солкуобайга атыыланар.

“Султан” диэн оҥорон таһаарааччы мииҥҥэ кутуохха  сөптөөх мокоруонун – 56-90 (400 г.), спираль көрүҥнээх мокоруонун – 56-90 (400 г.) солк. атыылаһыахха сөп.

Фруктаны, оҕуруот аһын атыылыыр маҕаһыынтан “Павлов “ ИП (Хаҥалас) чөчөгөйүн сыаната куорат атын маҕаһыыннарынааҕар чэпчэки. Саахар сыаната “Токко” маҕаһыынтан ыарахан.

Базаҕа маҕаһыын эрэ дэлэгэй. Ыксаабат дьон сыананы үөрэтэн баран атыылаһаллара быдан ордук.