Хаартыска: Ульяна Захарова
Бүгүн, бэс ыйын 18 күнүгэр, байыаннай дьайыыга олохторун толук уурбут байыастар дьиэ кэргэттэрин кыттыылаахтарын көһө сылдьар быыстапката аэропортка турда.
Быыстапка хаартыскаларын фотограф Сергей Новоселов түһэрэн үйэтиппит. Бэлиэтээн суруйдахха, бу быыстапка бастаан «Защитники Отечества» пуонда Дьокуускайдааҕы филиалыгар турбута. Тэрээһиҥҥэ СӨ баһылыгын дьаһалтатын уонна Бырабыыталыстыбатын салайааччыта Георгий Михайлов кыттыыны ылла. Кини олохторун толук уурбут байыастар дьиэ кэргэттэригэр сүгүрүйэрин биллэрдэ.
Бу туһунан фотограф Сергей Новоселов санаатын үллэһиннэ:
— Мин сүрүннээн бырааһынньыктары, араас тэрээһиннэри хаартыскаҕа түһэрээччибин. Оттон бу быыстапкаҕа үлэлэһэрбэр курус тыыны билбитим. Быыстапка байыаннай дьайыы кыттыылаахтарын дьиэ кэргэттэрэ чугас дьоннорун ааттарын үйэтитэр туһугар оҥоһуллар.
СӨ Байыаннай дьайыыга олохторун толук уурбут байыастар дьиэ кэргэттэрин сэбиэтин бэрэссэдээтэлэ Жанна Грекова:
-Көһө сылдьар быыстапкабыт бастаан «Защитники Отечества» пуонда филиалыгар Дьокуускайга турбута. Манна 67 хаартыска турда. Манна байыастар кэргэттэрэ, ийэлэрэ, оҕолорун хаартыскалара киирдэ. Быыстапка бэс ыйын 28 күнүгэр диэри туруоҕа. Инникитин быыстапка өссө салгыы көһөн иһиэҕэ. Байыастар туһунан үгүстүк суруллар, оттон кинилэр дьиэ кэргэттэрин туһунан сырдатыы кыра. Ол иһин быыстапканы байыастар дьиэ кэргэттэригэр анаатыбыт. Кинилэр оҕолорун, кэргэттэрин ааттарын үйэтитэргэ үлэлэһэллэр. Хаартысканы баҕалаахтар аҕалаллар, түһэллэр.
Дьокуускайга «Үлэ кыбаартала» креативнай кластер былаһааккатыгар 203 резидент үлэлиир. Бу дизайнердар, ИТ-исписэлиистэр, худуоһунньуктар, мусукааннар, киинэни…
М.Н. Андросова—Ионова оҕуруоту хаһыҥтан хайдах быыһыыр туһунан сүбэтин Далбар Хотун сурунаал таһаарбытын үллэстэбит: - Дьуонап…
СӨ Суһал ыстааба анал байыаннай дьайыы кыттыылаахтарын малынан, сэбинэн-сэбиргэлинэн уонна анал оборудованиенан эбии хааччыйыыга үлэтин…
Хоту улуустарынан букатын хас да күн хаардаата. Ол тыына киин улуустарга кытта билиннэ. Сорох сирдэринэн…
Саха тустууктара “Өбүгэлэр оонньуулара” тустуу национальнай көрүҥнэригэр бастакы Бүтүн Арассыыйатааҕы оонньууларга кыттыыны ылыахтара. Күрэхтэһии Абакаҥҥа…
Саха сиригэр “Ыраас уу” федеральнай бырагырааманан 2019-2024 сылларга ууну хааччыйар уонна бэлэмниир 13 саҥа эбийиэк…