Хаартыска: ааптар тиксэриилэрэ
Сарсыҥҥыттан сайыҥҥы күҥҥэ үктэнэбит. Күн уота чаҕылыччы көрөн, сир-дойду биллэ көҕөрдө, мутукчабыт тылынна, дыргыл сыта сүрэҕи-быары ортотунан киирэр.
Амма Эбэбит этэҥҥэ ыраастанан, бары да самаан сайыны үөрэ көрсөбүт. Дьиэ иһин-таһын ыраастанан, үүнээйи арассаадатын бэрийэн, ынах-сүөһү төрөөн, дьиэ хаһаайкалара солото суох түбүгүрэллэр. Оттон бу кэмҥэ кус булда көҥүллэнэн, ыал аҕа баһылыктара, эдэр уоланнар сааскы куска үөмэллэр, дугдаҕа хонор биир ураты үөрүүгэ кыттыһаллар.
Саха киһитэ олохсуйбут сиэринэн, булдуттан бар дьонугар бэрсэр, амсатар үтүө үгэстээх. Ол үтүө үгэһи тутуһан, Таатта улууһун Харбалааҕын булчут эр дьоно нэһилиэк салалтатын тэрээһининэн хас сыл аайы бултаабыт кустарыттан кырдьаҕас дьоҥҥо, байыаннай дьайыыга сылдьар уолаттарбыт дьиэ кэргэттэригэр, булка сылдьар киһитэ суох ыалларга бэрсэллэр, Ньукуолун чэчиэринньигэр кус миинэ иһэн амсайар үөрүүнү бэлэхтииллэр. Быйыл 36 кусчут, сорохтор биэстиигэ тиийэ куһу аҕалан туттардылар. Уопсайа 110 куһу аҕалбыттарын олохтоох дьаһалта кыргыттара барахсаттар сыа-сым курдук тутан үллэрэн, 47 ыалга кус миинэ иһэр дьоро күнү бэлэхтээтилэр.
Ити курдук, кыаммакка-кырдьаҕаска куруук өйөбүл буолан, үгүс үөрүүлээх түгэннэри бэлэхтээн, куруук сомоҕолоһон, бары бииргэ буолуоҕуҥ!
Валентина КРИВОШАПКИНА, Таатта, Харбалаах
Бүгүн, балаҕан ыйын 3 күнүгэр, «Мындыр саас - көхтөөх уһун үйэлэнии» бырайыак чэрчитинэн, Мэҥэ Хаҥалас…
Тэрилтэ дьоно үлэни биэрээччи уонна бэйэтин быраабын ситэри билбэтэ баар буолар. Ол да иһин, тустаах…
Күһүн үгэнэ — балаҕан ыйын 14 күнүттэн балаҕан ыйын 25 күнүгэр диэри, барыта 11 күн.…
Саха тустууктара Хорватияҕа ыытыллар аан дойду чөмпүйэнээтигэр кыттарга бэлэмнэнэ сылдьаллар. Чөмпүйэнээт эрдэтээҥи сайаапкатыгар Европа чөмпүйүөнэ…
Саха сирин “Экстра Синема” хампаанньата Уһук Илин эрэгийиэннэригэр киинэ 13 саалатын арыйарыгар 10 мөлүйүөн суумалаах…
Ozon хампаанньа өрөспүүбүлүкэ былаастарын өйөбүлүнэн, логистика инфраструктуратын сайыннарарга эрэгийиэҥҥэ 2,5 миллиартан тахса солкуобайы инвестицияларга угарга…