«Кустуктар» уруһуйдууллар

С.С.Васильев-Борогонскай аатынан улуустааҕы киин бибилэтиэкэ федеральнай модельнай ааты ылан, «Дьиэ кэргэн» национальнай бырыайыак иитинэн ааҕааччы ураты эйгэтэ тэрилиннэ.

Үһүс саас оскуолатын иһинэн үлэлиир Светлана Федоровна Мухина салайааччылаах «Кустук» уруһуй устуудьуйата манна бу күннэртэн дьарыгын саҕалаата. Ускуустуба кэрэ эйгэтин кэрэхсээн, уруһуй» ураты кистэлэҥнэригэр үөрэнэр баҕалаах элбэх киһи муһунна. Кинилэр: «Сэргэхсийэбит. Иллэҥ кэммитин туһалаахтык атаарабыт», — диэн үөрүүлэрин үллэстэллэр. Кэрэни кэрэхсиир ытык дьоммутугар ситиһиилэри баҕарыаҕыҥ.

Татьяна Бурцева, бибилэтиэкэр

Бороҕон, Уус Алдан.

Хаартыскалар ааптар тиксэриилэрэ