Кустуурга саҥа хочуолунай тутуллан эрэр

Эбээн Бытантай улууһун Кустуур нэһилиэгэр саҥа хочуолунай тутуллан эрэр. Онон үлэ-хамнас күөстүү оргуйбут.

— Кустуурга саҥа хочуолунай тутуллар буолан, сэргэхсийии бөҕө. Үлэ-хамнас тигинэччи ыытыллар. Үлэһиттэр билигин акылаатын түһэрээри сылдьаллар. Ону тэҥэ ититэр ситим тыраассатын тардыахтара. Онно туспа биригээдэ үлэлиир. Кинилэр хайы-үйэ турбалары олордорго атахтары туруора сылдьаллар. Аҥаарын туруордулар. Ол кэннэ атахтарга турбалары олордуохтара. Онон бытарытыллыбыт маһынан үлэлиир хочуолунайбыт олоххо киирэригэр эрэлбит күүһүрдэ, — диэтэ Кустуур баһылыга Роберт Колесов.

Хаартыска: Колесов Р. ыытта